Савол: Ассалому алайкум!
— Эҳромдан чиқадиган одам ўзининг сочини ёки бошқа одамнинг сочини олса бўладими?
Жавоб: Ва алайкум ассалом!
— Эҳромдаги инсон амалларни бажариб бўлиб, эҳромдан чиқиш мақсадида ўзининг сочини ўзи ёки ўзи каби эҳромдан чиқмоқчи бўлган инсоннинг сочини олиши мумкин.
«Ғунятун носик» китобида шундай дейилган:
«(واذا حلق ) أي المحرم (راسه) اي راس نفسه (او راس غيره) أي ولو كان محرما (عند جواز التحلل) أي الخروج من الاحرام باداء افعال النسك ( لم يلزمه شيئ)»
Агар эҳромдаги киши амалларни бажариб бўлиб, эҳромдан чиқиш вақтида ўзи ёки бошқа одамнинг (гарчи эҳромда бўлган ҳолида ҳам) сочини олса, унинг зиммасига бирор нарса лозим бўлмайди. Валлоҳу аълам.
ЎМИ Фатво ҳайъати
