Савол: Ассалому алайкум!
— Бозордан олинган эски қозон ва идишларни ювиб тозалаб ишлатиш жоизми? Жоиз бўлса кандай тозалаш билан ишлатиш мумкин?
Жавоб: Ва алайкум ассалом!
— Ишлатиш жоиз. Идишлар икки қисмга бўлинади. Аввалги замондагидек ёғоч, сирланмаган ёки сири кўчган сопол идишлар. Уларга нажосат тушса қатрон(ювиб, тўнтарилиб бир томчи ҳам суви қолмагунича кутиш ва буни уч бор такрорлаш) орқали покиза бўлади. Иккинчи қисм идишлар ҳозирги кундаги сирли, шиша ва паластмассадан қилинган, темир ва мис каби материаллардан қилинган идишлар. Буларни қатрон қилишга ҳожат йўқ. Уч бор ювиш билан тоза бўлади. Обдасталарга ҳам нажосат тушса қатрон қилишга ҳожат йўқ. Валлоҳу аълам!
ЎМИ Фатво ҳайъати
