Савол: Ассалому алайкум!
— Уч ой аввал укам автоҳалокатда вафот этди. Унинг дўстларидан қарзлари борлигини билардим. Қарзларини тўлаб беришни бўйнимга олганман, лекин тўлай олмаяпман. Саволим: Қарз туфайли укамни савол-жавоби қийин бўлиб, унга юк бўладими?
Жавоб: Ва алайкум ассалом!
— Вафот этган кишининг маблағидан унинг дафн қилиш ҳаражатлари қилинганидан сўнг ундан қолган барча маблағ бировлардаги қарзларини узишга сарфланади. Унинг уй ёки бошқа бирор маблағи бўлса уларни аввало қарзларни узишга сарф қилиш лозим бўлади. Ҳозирги кунда бу нарсага эътиборсиз ёндошилмоқда.
Ўлган бандадан Аллоҳ таоло Ўз ҳақини кечиб юбориши мумкин, аммо қарз банданинг ҳақидир. Бу ҳақни қарз эгасининг ўзи кечмагунча, Аллоҳ таоло кечмайди. Валлоҳу аълам.
ЎМИ Фатво ҳайъати
