Абу Ҳурайрадан (розияллоҳу анҳу) ривоят қилинади: Расулуллоҳ (соллаллоҳу алайҳи васаллам): Одам боласининг ҳамма амали бир неч баробар оширилади: битта яҳшилик ўн баробаридан етти юз барбаригача оширилади. Аллоҳ таоло: Рўза ундай эмас. Рўза Мен учундир. Ўзим унинг мукофотини бераман. Зеро, Одам боласи шаҳвати ва овқатини Мен учун тарк этди», деб марҳамат қилган. Рўзадар учун икки қувонч бор: ифтор қилганидаги бир қувончи, Парвардигорига йўлиққанида бир қувонч. Рўзадор оғзининг ҳиди Аллоҳ таоло учун мушкнинг ҳидидан ҳам ёқимлирорқдир», дедилар.
Ҳадиси шарифда рўзани савоби бошқа яҳши амаллар савобидан ўлуғ экани баён этилмоқда. Албатта унга бериладиган савоби чеки йўқ. Уни Аллоҳ таоло ўзи билади. Яна баъзи ривоятларда рўза дўзахдан парда, тўсиқдир, деб келган. Бошқа ривоятларда»Рўза сизнинг урушдаги қалқонингиз каби, дўзахдан (тўсадиган) қалқонингиздир»,
«Рўза, дўзахдан (тўсувчи) қалқон ва мустаҳкам қалъадир» мазмунида келган. Бошқа ривоятда, «Рўза, ғийбат билан тешилмаса, кишига қалқон, мустаҳкам зирҳ (каби) дир»,
Баъзи уламолар ушбу ҳадис шарҳида шундай деб баён қилишган:» Рўза эгасини азият келтирувчи шаҳватлардан сақлайди. Рўзадор одамда нафсини
ёмонликка етакловчи шаҳватлар кесилади».
«Рўзадор учун икки қувонч бор: ифтор қилганида бир қувонч…» Рўзадор мўмин атрофида барча жонга роҳат берувчи неъматлар муҳайё тургани ҳолда, Роббиси буюргани учун куннинг ҳароратига, очлик ва чанқоқликка сабр матонат билан чидайди. Бу амали билан Аллоҳ таолонинг розилигига муваффақ бўлади. Ниҳоят ифторга етгандан кейин бир кунлик имтиҳондан ўтиб олгани учун Аллоҳ таолога хамдлар айтиб шукурлар қилиб дуолар қилади.
«… Роббисига йўлиққанида бир қувонч». Охиратда рўздорни алоҳида ажр савоб ва мукофотлар кутади. Аллоҳ таолонинг ўзидан мукофот олади. Жаннатга» Райён»деб аталган хос эшикдан киради.
Баъзи уламолар:» Рўза Мен учундир… «муборак жумласи» Менга энг суюкли, наздимда энг мўътабар ибодат «, маъносидадир, деганлар.
Демак сизу бизлар ман шундай энг мўътабар ибодат бўлган рамазон ойида турибмиз Аллоҳ таоло бизларни ожизлик билан тутаётган рўзаларимизни қабул айласин!
Марғилон шаҳар» Зиё» масжиди
имом хатиби Хасанбой Юсупалиев