Ҳафтанинг чоршанба кунлари мамлакатимиздаги масжидларда фуқароларни қабул қилиш куни сифатида белгиланган. Шу боис, ҳар чоршанба куни барча масжидларда фуқароларни қабул қилиш ишлари йўлга қўйилган. Бу эса ижобий жиҳатдан ўз самарасини кўрсатмоқда.
Бу галги қабул кунлари ҳам фуқаролар учун манфаатли бўлди. Имом-хатибларга 400 дан зиёд мурожаатлар келиб тушган бўлиб, улардан 250 га яқини диний масалада, 34 таси ижтимоий, 70 га яқин иқтисодий ҳамда яна 72 та оилавий масалаларда фуқаролар мурожаат қилишган.
Диний ва оилавий масалаларда мурожаат қилган фуқаролар муаммолари тингланиб, уларга керакли маслаҳат ва тавсиялар берилди. Ижтимоий ва иқтисодий ёрдам сўраган фуқораларга ҳам кўмак кўрсатилди.
Жумладан, вилоят бош имом-хатиби Убайдуллоҳ домла Абдуллаев қабулига мерос ҳамда масжидлар фаолиятига оид масалада мурожаат қилган фуқароларга батафсил жавоб берилди. Фарғона тумани «Ҳувайдо» масжидига оилавий келишмовчилик билан келган фуқаролар имом-хатибининг насиҳати ва маслаҳати сабаб муросага келишган бўлса, Қува тумани «Қўшкечик» масжидига ёрдам сўраб мурожаат қилган фуқаронинг мия жарроҳлиги амалиёти учун ҳомийлар билан ҳамкорликда моддий ёрдам кўрсатилди.
***
Haftaning chorshanba kunlari mamlakatimizdagi masjidlarda fuqarolarni qabul qilish kuni sifatida belgilangan. Shu bois, har chorshanba kuni barcha masjidlarda fuqarolarni qabul qilish ishlari yo‘lga qo‘yilgan. Bu esa ijobiy jihatdan o‘z samarasini ko‘rsatmoqda.
Bu galgi qabul kunlari ham fuqarolar uchun manfaatli bo‘ldi. Imom-xatiblarga 400 dan ziyod murojaatlar kelib tushgan bo‘lib, ulardan 250 ga yaqini diniy masalada, 34 tasi ijtimoiy, 70 ga yaqin iqtisodiy hamda yana 72 ta oilaviy masalalarda fuqarolar murojaat qilishgan.
Diniy va oilaviy masalalarda murojaat qilgan fuqarolar muammolari tinglanib, ularga kerakli maslahat va tavsiyalar berildi. Ijtimoiy va iqtisodiy yordam so‘ragan fuqoralarga ham ko‘mak ko‘rsatildi.
Jumladan, viloyat bosh imom-xatibi Ubaydulloh domla Abdullayev qabuliga meros hamda masjidlar faoliyatiga oid masalada murojaat qilgan fuqarolarga batafsil javob berildi. Farg‘ona tumani «Huvaydo» masjidiga oilaviy kelishmovchilik bilan kelgan fuqarolar imom-xatibining nasihati va maslahati sabab murosaga kelishgan bo‘lsa, Quva tumani «Qo‘shkechik» masjidiga yordam so‘rab murojaat qilgan fuqaroning miya jarrohligi amaliyoti uchun homiylar bilan hamkorlikda moddiy yordam ko‘rsatildi.
