Маълумки, кеча 7 август куни ўзбекистонлик зиёратчиларнинг дастлабки гуруҳи Тошкент-Мадина йўналиши бўйича Саудия Арабистони Подшоҳлигига кузатилгани ҳақида хабар берган эдик.
Жорий йилнинг 7-23 август кунлари ўзбекистонлик 7350 нафар зиёратчини “Ўзбекистон ҳаво йўллари” МАКнинг Тошкент-Мадина, Бухоро-Мадина, Самарқанд-Мадина, Қарши-Мадина, Наманган-Мадина, ҳамда Урганч-Мадина йўналишларида ҳаж сафарига кузатиш ташкил этилади.
7 август куни эрта тонгда Фарғоналик зиёратчиларнинг дастлабки гуруҳи Наманган-Мадина йўналишида ҳаж сафарига кузатилди.
Эслатиб ўтамиз, ўтган йилларда вилоятимиздан 650 нафар фуқаролар зиёратга борган бўлса, бу йил 950 нафар вилоятимиз фуқаролари ҳаж зиёратини амалга оширишга мушарраф бўлмоқдалар. Наманган-Мадина йўналишида 22 августга қадар зиёратчиларни кузатув ишлари давом этади.
Вакиллик матбуот хизмати
