Саудия Арабистонида хизмат сафарида бўлиб турган Президент маслаҳатчиси ўринбосари Музаффар Комилов, муфтий Шайх Нуриддин Холиқназар ҳазратлари ва Дин ишлари бўйича қўмита раиси Содиқжон Тошбоев бошчилигидаги делегация Макка шаҳридаги меҳмонхонада зиёратчиларимиз учун яратилган шароитлар билан яқиндан танишдилар.
Айни кунларда бир гуруҳ ҳамюртларимиз Маккаи мукаррама ибодат ва зиёратларни имону ихлос, чексиз бахт ва шукроналик ила адо этишмоқда. Хусусан, суннати муаккада бўлган умра амалини бажариб, эндиликда Каъбатуллоҳ тавофи, Ҳарами шарифда кундалик ва нафл намозларни ўқиш, Арофот тоғи, Мино ва Муздалифа водийлари зиёрати каби амаллар билан машғул бўлмоқда.
Мулоқотда умрачиларимиз барча шароитлар муҳайё қилингани, айниқса, меҳмонхонанинг янги ва ҳар томонлама шинамлиги, 24 соатлик тартибда автобуслар қатнови йўлга қўйилгани, фoйе ва хоналарнинг озода, кенг ва шинамлиги кишининг баҳру дилини очиши, таомлари ибодатга қувват бўлаётгани, малакали ишчи гуруҳи ва тажрибали шифокорлар томонидан доимий кузатув олиб борилишини мамнуният ила изҳор қилишди.
Зиёратчилар кўрсатилаётган эътибор ва эҳтиромдан руҳланиб, муҳтарам Президентимизга самимий ташаккурларини етказишни соҳа раҳбарларидан илтимос қилишди.
Мулоқотлар самимий ва кўтаринки руҳда ўтди
Ўзбекистон мусулмонлари идораси
Матбуот хизмати
***
Saudiya Arabistonida xizmat safarida boʻlib turgan Prezident maslahatchisi oʻrinbosari Muzaffar Komilov, muftiy Shayx Nuriddin Xoliqnazar hazratlari va Din ishlari boʻyicha qoʻmita raisi Sodiqjon Toshboev boshchiligidagi delegasiya Makka shahridagi mehmonxonada ziyoratchilarimiz uchun yaratilgan sharoitlar bilan yaqindan tanishdilar.
Ayni kunlarda bir guruh hamyurtlarimiz Makkai mukarrama ibodat va ziyoratlarni imonu ixlos, cheksiz baxt va shukronalik ila ado etishmoqda. Xususan, sunnati muakkada boʻlgan umra amalini bajarib, endilikda Ka’batulloh tavofi, Harami sharifda kundalik va nafl namozlarni oʻqish, Arofot togʻi, Mino va Muzdalifa vodiylari ziyorati kabi amallar bilan mashgʻul boʻlmoqda.
Muloqotda umrachilarimiz barcha sharoitlar muhayyo qilingani, ayniqsa, mehmonxonaning yangi va har tomonlama shinamligi, 24 soatlik tartibda avtobuslar qatnovi yoʻlga qoʻyilgani, foye va xonalarning ozoda, keng va shinamligi kishining bahru dilini ochishi, taomlari ibodatga quvvat boʻlayotgani, malakali ishchi guruhi va tajribali shifokorlar tomonidan doimiy kuzatuv olib borilishini mamnuniyat ila izhor qilishdi.
Ziyoratchilar koʻrsatilayotgan e’tibor va ehtiromdan ruhlanib, muhtaram Prezidentimizga samimiy tashakkurlarini etkazishni soha rahbarlaridan iltimos qilishdi.
Muloqotlar samimiy va koʻtarinki ruhda oʻtdi
Oʻzbekiston musulmonlari idorasi
Matbuot xizmati
