Фарғона вилояти вакиллигида тугалланиб бораётган “Инсон қадрини улуғлаш ва фаол маҳалла йили”да вилоятда диний соҳада амалга оширилган ишлар сарҳисоб қилинди. Жорий йил давомида бир қатор хайрли ишлар амалга оширилди. Жумладан:
— ўзбекистон халқаро ислом академияси ҳузуридаги Малака ошириш маркази Наманган вилояти филиалида жорий йилнинг ўтган даври мобайнида 60 нафар имом-хатиблар ва 50 нафар имом ноиблари малака оширдилар. Ушбу давр мобайнида вилоятида фаолият кўрсатаётган 408 нафар отинойилар учун ҳам қисқа муддатли ўқув машғулотлари ташкил этилди;
— ҳудудларда ўтказилган суҳбатлар самарасида 922 та муросасизлик юзага келган оилалар билан мулоқот қилиниб, натижада 514 та оилавий ажримларнинг олди олинган;
— имом-хатиблар оммавий ахборот воситалари ҳамда интернет сайтлари орқали 15 498 марта маърифий чиқишлар қилган бўлса, Марғилон шаҳридаги “Робия ҳожи она” масжиди имом-хатиби Раҳматуллоҳ Файзуллаевнинг “Сенга етмагунча тўхтамайман” номли китоби нашрдан юзини кўрди;
— жорий йил бошидан диний соҳа ходимлари томонидан ҳомийларни жалб қилган ҳолда вилоятдаги кам таминланган, меҳрга муҳтож, кекса ёшдаги отахон ва онахонлар ҳолидан хабар олиниб, 7 719 нафар кам таъминлаган хонадонларга 2 654 970 500 сўм, ижтимоий кўмакка муҳтож фуқароларга 1 317 435 000 сўм, “Меҳрибонлик”, “Мурувват” ва “Саховат” уйларига 180 898 000 сўм, “Меҳр” доирасида олиб келинган фуқароларга 45 910 000 сўмлик хайрия ташкил этилди;
— Учкўприк тумани “Асқар маҳмуд пирим”, Бувайда тумани “Ҳусан қори”, Қўштепа тумани “Қорашбува” жоме масжидларида қайта қуриш ишлари якунига етказилиб, фойдаланишга топширилди;
— Бувайда тумани “Салмон Форсий”, Бағдод тумани “Қўштегирмон”, Учкўприк тумани “Муҳаммад Жаҳонгирхон Ғозий” масжидлари таъмирланди. Бундан ташқари яна 33 та масжидда қайта қуриш ишлари жадаллик билан давом эттирилмоқда.
— вилоятдаги 4 та масжиднинг таҳоратхоналари қайта қурилиб, 2 та масжиднинг таҳоратхонаси капитал таъмирдан чиқарилди.
Айниқса, Қува тумани “Акбаробод” жоме масжидининг Давлат рўйхатидан ўтказилиб, мўмин-мусулмонлар ихтиёрига топширилиши катта қувонч бўлди.
Вилоят вакиллигида ташкил этилган тадбирда шу каби хайрли ишларда фаоллик кўрсатган бир қатор имом-хатиблар ҳамда отинойилар хизмати эътироф этилиб, уларга ташаккурномалар топширилди. Келгуси фаолиятларида бунданда самарали ишларда бош бўлишларини тилаб, дуо қилинди.
