Кеча, 26 январь куни Учкўприк тумани имом-хатиблари иштирокида навбатдаги маънавият машғулотлари бўлиб ўтди. Унда вилоят бош имом-хатиби ўринбосари Алишер домла Наимов, вакиллик котиби Холмурод Мамажонов ва вакиллик муҳтасиби Иқболжон Аҳмадалиевлар иштирок этди. Тумандаги «Қақир» масжидида ўтказилган учрашувда имом-хатибларнинг ҳафта давомида амалга оширилган ишлар таҳлили ҳамда келгуси ҳафта мобайнида амалга оширилиши лозим бўлган ишлар режалаштирилди.
Шунингдек, меҳмонлар туманда қайта қуриб битказилган «Асқар Маҳмуд пирим» масжидига ташриф буюриб, байтуллоҳнинг янги биносини кўздан кечирдилар. Пешин намозини адо этгач, жамоат билан маърифий суҳбат қилинди. Вилоят бош имом-хатиби ўринбосари Алишер домла Наимов янгитдан қуриб битказилган масжидда мўмин-мусулмонлар учун муҳайё қилинган шарт-шароитларни эътироф этиб, бу борада ўз ҳиссасини қўшган барча мўминларга ташаккур билдириб, масжиднинг зийнати бўлиб турган жамоат ҳаққига дуо қилдилар.
Халқимиз ва масжид жамоасига зиё улашиш мақсадида «Асқар Маҳмуд пирим» масжиди ҳамда яқиндагина қайта қуриб битказилган «Ҳусан қори» масжиди кутубхонаси учун вакиллик томонидан илмий-маърифий китоблар совға қилинди.
