Бугун, Қўштепа туманидаги «Эшонгузар» масжидининг янги биносига ғишт қўйилди. Унда вилоят бош имом-хатиби Убайдуллоҳ домла Абдуллаев, туманда хизмат олиб бораётган имом-хатиблар ҳамда нуронийлар иштирок этдилар.
Вилоят бош имом-хатиби Убайдуллоҳ домла масжид жамоасини табриклаб, юртимиздаги, хусусан, вилоятимиздаги масжидлар кундан кунга обод бўлиб бораётгани, намозхонлар учун қулай шароит ва янги имкониятлар яратилаётганини қайд этдилар.
Янги қад кўтараётган хонақоҳ 36х18 метр ўлчамда бўлиб, ер тўла қисми билан ҳисоблаганда 1600 намозхонни ўз бағрига сиғдира олади. Хонақоҳ миллий ва замонавий кўринишда лойиҳалаштирилган бўлиб, унда об-ҳавонинг иссиқ ва совуқ кунларида қулай шароит яратиш чоралари ҳам кўрилган.
Маросимда янги бошланган қурилиш ишларини хайрли бўлишини сўраб дуо қилинди.
Фарғона вилояти вакиллиги Матбуот хизмати
