Катта тайёргарлик ва интиқлик билан кутилган муборак ойга ҳам етиб келдик, алҳамдулиллаҳ! Кўтаринки руҳда бошланган хатми Қуръон ва таровеҳлар сабаб диёримиз файзу баракага бурканди, десак муболаға бўлмайди.
Ушбу муборак ойни муносиб кутиб олиш, хатми Қуръон ва таровеҳ намозларини янада файзли ўтказиш учун кенг кўламли ишлар амалга оширилди. Бу йилги Рамазон ойида Фарғона вилоятидаги 194 та масжидда хатми Қуръонлар бошланди. Уч юз элликдан зиёд хушовоз қорилар йигирма етти кун давомида таровеҳ намозларида халқимизга Қуръони каримни ўқиб берадилар. Бу эса жуда ҳам катта файз ва баракотга сабаб бўлажак, инша Аллоҳ!
Аллоҳ таоло Рамазон ойини барчамизга баракотли айлаб, унинг файзидан юртимиз нурга тўлсин!
* * *
Katta tayyorgarlik va intiqlik bilan kutilgan muborak oyga ham yetib keldik, alhamdulillah! Кo‘tarinki ruhda boshlangan xatmi Qur’on va tarovehlar sabab diyorimiz fayzu barakaga burkandi, desak mubolag‘a bo‘lmaydi.
Ushbu muborak oyni munosib kutib olish, xatmi Qur’on va taroveh namozlarini yanada fayzli o‘tkazish uchun keng ko‘lamli ishlar amalga oshirildi. Bu yilgi Ramazon oyida Farg‘ona viloyatidagi 194 ta masjidda xatmi Qur’onlar boshlandi. Uch yuz ellikdan ziyod xushovoz qorilar yigirma yetti kun davomida taroveh namozlarida xalqimizga Qur’oni karimni o‘qib beradilar. Bu esa juda ham katta fayz va barakotga sabab bo‘lajak, insha Alloh!
Alloh taolo Ramazon oyini barchamizga barakotli aylab, uning fayzidan yurtimiz nurga to‘lsin!
