Мустақилликнинг 35 йиллиги муносабати билан мамлакатимиз бўйлаб ўтказилаётган маънавий-маърифий ва спорт тадбирлари доирасида Фарғона вилоятида диний соҳа вакиллари иштирокида “Ягона Ватан, ягона халқ бўлиб, янги ҳаёт ва келажак яратамиз!” шиори остида “Заковат” интеллектуал ўйини ҳамда спортнинг стол тенниси бўйича вилоят босқичи бўлиб ўтди.
Тадбирдан кўзланган асосий мақсад диний соҳа ходимларининг интеллектуал салоҳиятини юксалтириш, улар ўртасида ўзаро ҳамжиҳатлик муҳитини мустаҳкамлаш кўзда тутилган.
Беллашувлар юқори савияда, кўтаринки руҳ ва самимий муҳитда ўтказилди. Иштирокчилар билим, тафаккур ва тезкор фикрлаш борасида ўз маҳоратларини намоён этдилар.
“Заковат” интеллектуал ўйини натижалари:
- 1-ўрин — Марғилон шаҳри жамоаси;
- 2-ўрин — Олтиариқ тумани жамоаси;
- 3-ўрин — Фарғона шаҳри жамоаси.
Шунингдек, стол тенниси мусобақаларида ҳам қизғин ва муросасиз баҳслар кечди. Унга кўра;
- 1-ўрин — Сарвар Раҳмонзода, «Эшонбобо» жоме масжиди имом ноиби;
- 2-ўрин — Муҳаммадюнус Мирзараҳимов, «Сулаймонбек ҳожи» жоме масжиди имом ноиби;
- 3-ўрин — Муҳаммадюсуфхўжа Саидхўжаев, «Абу Мусо ал Ашъарий» жоме масжиди имом ноиблари муносиб деб топилди.
Тадбир якунида ғолиб ва совриндорларга ташкилотчилар томонидан диплом ҳамда эсдалик совғалари топширилди.
***
Mustaqillikning 35 yilligi munosabati bilan mamlakatimiz bo‘ylab o‘tkazilayotgan maʼnaviy-maʼrifiy va sport tadbirlari doirasida Farg‘ona viloyatida diniy soha vakillari ishtirokida “Yagona Vatan, yagona xalq bo‘lib, yangi hayot va kelajak yaratamiz!” shiori ostida “Zakovat” intellektual o‘yini hamda sportning stol tennisi bo‘yicha viloyat bosqichi bo‘lib o‘tdi.
Tadbirdan ko‘zlangan asosiy maqsad diniy soha xodimlarining intellektual salohiyatini yuksaltirish, ular o‘rtasida o‘zaro hamjihatlik muhitini mustahkamlash ko‘zda tutilgan.
Bellashuvlar yuqori saviyada, ko‘tarinki ruh va samimiy muhitda o‘tkazildi. Ishtirokchilar bilim, tafakkur va tezkor fikrlash borasida o‘z mahoratlarini namoyon etdilar.
“Zakovat” intellektual o‘yini natijalari:
1-o‘rin — Marg‘ilon shahri jamoasi;
2-o‘rin — Oltiariq tumani jamoasi;
3-o‘rin — Farg‘ona shahri jamoasi.
Shuningdek, stol tennisi musobaqalarida ham qizg‘in va murosasiz bahslar kechdi. Unga ko‘ra;
1-o‘rin — Sarvar Rahmonzoda, «Eshonbobo» jome masjidi imom noibi;
2-o‘rin — Muhammadyunus Mirzarahimov, «Sulaymonbek hoji» jome masjidi imom noibi;
3-o‘rin — Muhammadyusufxo‘ja Saidxo‘jayev, «Abu Muso al Ashʼariy» jome masjidi imom noiblari munosib deb topildi.
Tadbir yakunida g‘olib va sovrindorlarga tashkilotchilar tomonidan diplom hamda esdalik sovg‘alari topshirildi.
