Ўзбекистон Республикаси Президентининг “Янги Ўзбекистон ёшлари — 2030” стратегияси ижросини таъминлаш мақсадида Фарғона вилоятида “Ёшлар билан бир кун” лойиҳаси доирасида ёш имом-хатиб ва имом-ноиблар иштирокида маърифий учрашув ўтказилди.
Тадбирда Фарғона вилояти бош имом-хатиби Убайдуллоҳ домла Абдуллаев иштирок этиб, ёш имомлар билан самимий мулоқот қилди. Суҳбат давомида мамлакатимизда ёшларга яратилаётган имкониятлар, улардан самарали фойдаланиш, аҳоли билан мулоқот маданияти, таъсирчан маъруза қилиш, воизлик одоби ва масжид фаолиятини тўғри ташкил этиш юзасидан муҳим тавсиялар берилди.
Шунингдек, ёш диний соҳа вакилларининг жамиятдаги масъулияти, ёшларни ватанпарварлик, маърифат ва эзгулик руҳида тарбиялашдаги ўрни алоҳида таъкидланди.
Учрашув очиқ мулоқот руҳида ўтказилиб, иштирокчилар ўзларини қизиқтирган саволларга жавоб олдилар. Тадбир якунида эса улар вилоят вакиллиги ҳамда мутахассислар фаолияти билан яқиндан танишдилар.
***
O‘zbekiston Respublikasi Prezidentining “Yangi O‘zbekiston yoshlari — 2030” strategiyasi ijrosini taʼminlash maqsadida Farg‘ona viloyatida “Yoshlar bilan bir kun” loyihasi doirasida yosh imom-xatib va imom-noiblar ishtirokida maʼrifiy uchrashuv o‘tkazildi.
Tadbirda Farg‘ona viloyati bosh imom-xatibi Ubaydulloh domla Abdullayev ishtirok etib, yosh imomlar bilan samimiy muloqot qildi. Suhbat davomida mamlakatimizda yoshlarga yaratilayotgan imkoniyatlar, ulardan samarali foydalanish, aholi bilan muloqot madaniyati, taʼsirchan maʼruza qilish, voizlik odobi va masjid faoliyatini to‘g‘ri tashkil etish yuzasidan muhim tavsiyalar berildi.
Shuningdek, yosh diniy soha vakillarining jamiyatdagi masʼuliyati, yoshlarni vatanparvarlik, maʼrifat va ezgulik ruhida tarbiyalashdagi o‘rni alohida taʼkidlandi.
Uchrashuv ochiq muloqot ruhida o‘tkazilib, ishtirokchilar o‘zlarini qiziqtirgan savollarga javob oldilar. Tadbir yakunida esa ular viloyat vakilligi hamda mutaxassislar faoliyati bilan yaqindan tanishdilar.
