Маълумки, айни кунларда бир гуруҳ юртимиз уламолари амалий ташриф билан Фарғонада бўлиб турибдилар. Ўзбекистон мусулмонлари идораси раиси ўринбосари Иброҳимжон домла Иномов ҳамда Ўзбекистон мусулмонлари идораси раиси маслаҳатчиси, таниқли уламо Салоҳиддин домла Шариповлар Учкўприк, Ўзбекистон ва Бешариқ туманларида фаолият олиб бораётган имом-хатиб ва имом-ноиблар билан учрашиб, соҳа ходимлари олдида турган вазифалар борасида мулоқот ўтказилди.
Мулоқот давомида бугунги кунда диний-маърифий соҳада амалга оширилаётган ҳамда амалга оширилиши режалаштирилган хайрли ишлар хусусида сўз юритилиб, бу борада диний соҳа ходимлари олдидаги масъулият ва вазифалар, ёшларни соф ислом таълимотлари асосида тарбиялаш, аҳоли орасида шукроналик ҳисси ва кайфиятини ошириш йўлида амалга оширилиши зарур бўлган масалалар муҳокама қилинди.
Суҳбат асносида устозлар ўз панду насиҳатлари ва ҳаётий тажрибалари билан ўртоқлашиб, имом домлаларни бундан шижоат ва ғайратли бўлишга чақирдилар.
