Шу йил 11 июнь куни Маккаи мукаррамадаги “Abroj Dana” меҳмонхонасида Ўзбекистон мусулмонлари идораси бўлим мудири шайх Алижон қори мазкур муборак шаҳарда тоат-ибодат, дуою зикр ва зиёрат билан машғул бўлиб турган юртимиз ҳожиларига улуғ ҳаж ибодатини мукаммал бажариш тўғрисида манфаатли суҳбат қилиб берди.
Файзли суҳбат асносида шайх Алижон қори улуғ ибодатнинг маънавий жиҳатларига алоҳида тўхталиб, Ҳақ таолога маҳбуб ибодат бўлган ҳaж амали улкан руҳий oзуқa бeрaдигaн ибoдaтлиги, ундa бaндaнинг вужуди тaқвo ва тoaт қилишгa aзму қaрор билaн бирга гунoҳлaргa нaдoмaтда бўлиши лозимлиги, улуғ сaфaрдa мусулмон кишининг Aллoҳга, Унинг Рaсулигa вa мўмин-мусулмoнлaргa муҳaббaти зиёдa бўлиши, дунёнинг ҳaмма тaрaфидaн келиб жам бўлган дин қaрдoшлaргa нисбaтaн дўстлик туйғулaри уйғoниб, мустaҳкaмлaнишини қайд этди.
Манфаатли учрашув давомида ҳаж ибодати тўғрисида Набий соллаллоҳу алайҳи васаллам: “Ҳажжи мабрурнинг мукофоти жаннатдан бошқа нарса эмас”, дея марҳамат қилганлари, ҳажжи мабрур – риё ва гуноҳ ишлардан холи бўлган, сахийлик ҳамда ҳусни хулқ ила адо этилган ибодат экани, ушбу улуғ амални бажарадиган одам жаннатга эришиш учун мислсиз катта имкониятга эга бўлиши баён этилди.
Шунингдек, дуолар қабул бўладиган фурсат ва масканлар ҳақида маълумот бериш билан бирга муборак маконда вақтни тўғри тасарруф этиш борасида тавсиялар берилди.
Сермазмун учрашув давомида юртимиз ҳожилари ўзларини қизиқтирган саволларга жавоб олишди.
Ўзбекистон мусулмонлари идораси Матбуот хизмати
