2024 йил 22 май куни Ҳадис илми мактаби педагоглар жамоасининг навбатдан ташқари мажлиси бўлиб ўтди. Унда Ўзбекистон мусулмонлари идораси раиси ўринбосари Зайниддин домла Эшонқулов, Диний идора ва Дин ишлари бўйича қўмитаси масъул ходимлари Акбар Дўстматов, Элёр Алимқулов, шунингдек, соҳа мутахассислари, ўқитувчи-мураббийлар иштирок этди.
Йиғилишда ташкилий масалалар кўрилди. Унга кўра, Ҳадис илми мактаби ректори Олимхон Юсупов бошқа ишга ўтганлиги сабабли, унинг ўрнига Имом Бухорий халқаро илмий-тадқиқот маркази Халқаро алоқалар ва зиёрат туризмини ривожлантириш илмий бўлим бошлиғи, Тарих фанлари бўйича фалсафа доктори (PhD) Барот Амонов тайинлангани маълум қилинди.
Йиғилиш давомида мутасаддилар Ҳадис илми мактаби янги ректори ва педагоглар жамоаси олдида турган муҳим вазифалар тўғрисида сўз юритди.
Маълумот ўрнида, Барот Амонов Хожа Бухорий ўрта махсус ислом таълим муассасаси, Тошкент Давлат Шарқшунослик институтида таълим олган. Меҳнат фаолияти давомида Самарқанд давлат чет тиллари институти ўқитувчиси, Имом Бухорий халқаро илмий-тадқиқот марказида турли масъул вазифаларда кўп йиллар ишлаган. Илмий фаолияти давомида Миср, БАА, Ўмон, Малазия, Россия, Буюк Британия, Германия каби давлатларда илмий сафарларда бўлиб, бир қанча халқаро анжуманларда иштирок этган.
Аллоҳ таолодан Барот Амоновга масъулиятли ва шарафли ишда улкан муваффақиятлар тилаймиз.
Ўзбекистон мусулмонлари идораси
Таълим ва илмий-тадқиқот бўлими
* * *
2024 yil 22 may kuni Hadis ilmi maktabi pedagoglar jamoasining navbatdan tashqari majlisi bo‘lib o‘tdi. Unda O‘zbekiston musulmonlari idorasi raisi o‘rinbosari Zayniddin domla Eshonqulov, Diniy idora va Din ishlari bo‘yicha qo‘mitasi mas’ul xodimlari Akbar Do‘stmatov, Elyor Alimqulov, shuningdek, soha mutaxassislari, o‘qituvchi-murabbiylar ishtirok etdi.
Yig‘ilishda tashkiliy masalalar ko‘rildi. Unga ko‘ra, Hadis ilmi maktabi rektori Olimxon Yusupov boshqa ishga o‘tganligi sababli, uning o‘rniga Imom Buxoriy xalqaro ilmiy-tadqiqot markazi Xalqaro aloqalar va ziyorat turizmini rivojlantirish ilmiy bo‘lim boshlig‘i, Tarix fanlari bo‘yicha falsafa doktori (PhD) Barot Amonov tayinlangani ma’lum qilindi.
Yig‘ilish davomida mutasaddilar Hadis ilmi maktabi yangi rektori va pedagoglar jamoasi oldida turgan muhim vazifalar to‘g‘risida so‘z yuritdi.
Ma’lumot o‘rnida, Barot Amonov Xoja Buxoriy o‘rta maxsus islom ta’lim muassasasi, Toshkent Davlat Sharqshunoslik institutida ta’lim olgan. Mehnat faoliyati davomida Samarqand davlat chet tillari instituti o‘qituvchisi, Imom Buxoriy xalqaro ilmiy-tadqiqot markazida turli mas’ul vazifalarda ko‘p yillar ishlagan. Ilmiy faoliyati davomida Misr, BAA, O‘mon, Malaziya, Rossiya, Buyuk Britaniya, Germaniya kabi davlatlarda ilmiy safarlarda bo‘lib, bir qancha xalqaro anjumanlarda ishtirok etgan.
Alloh taolodan Barot Amonovga mas’uliyatli va sharafli ishda ulkan muvaffaqiyatlar tilaymiz.
O‘zbekiston musulmonlari idorasi
Ta’lim va ilmiy-tadqiqot bo‘limi
