Бугун барча масжидларда навбатдаги қабул жараёнлари ўтказилди. Унда фуқаролар диний-маърифий, ижтимоий-иқтисодий ва оилавий масалалардаги мурожаатлари билан имом домлалар ҳузурига ташриф қилишди. Қабул асносида келган ҳар бир фуқароларнинг масалалари атрофлича ўрганилиб, ҳал этиш чоралари кўрилди.
Қабул жараёнларида жами 350 та, шундан 205 та диний, 28 та ижтимоий, 74 та иқтисодий ва 43 та оилавий масалада мурожаат келиб тушган. Жумладан, вилоят бош имом-хатиби Убайдуллоҳ домла Абдуллаев қабулига Фарғона шаҳри ва Фарғона туманидан ташриф буюрган мурожаатчилар мавжуд муаммо ҳамда диний ва ижтимоий масалаларига жавоб олдилар. Бувайда тумани бош имом-хатиби Аҳмадхон домла Низомов қабулига келган фуқароларнинг оилавий муаммолари ҳал этилди. Шунингдек, моддий кўмак истаб келган уч нафар фуқарога ҳомийлар иштирокида ёрдам кўрсатилди.
***
Bugun barcha masjidlarda navbatdagi qabul jarayonlari o‘tkazildi. Unda fuqarolar diniy-ma’rifiy, ijtimoiy-iqtisodiy va oilaviy masalalardagi murojaatlari bilan imom domlalar huzuriga tashrif qilishdi. Qabul asnosida kelgan har bir fuqarolarning masalalari atroflicha o‘rganilib, hal etish choralari ko‘rildi.
Qabul jarayonlarida jami 350 ta, shundan 205 ta diniy, 28 ta ijtimoiy, 74 ta iqtisodiy va 43 ta oilaviy masalada murojaat kelib tushgan. Jumladan, viloyat bosh imom-xatibi Ubaydulloh domla Abdullayev qabuliga Farg‘ona shahri va Farg‘ona tumanidan tashrif buyurgan murojaatchilar mavjud muammo hamda diniy va ijtimoiy masalalariga javob oldilar. Buvayda tumani bosh imom-xatibi Ahmadxon domla Nizomov qabuliga kelgan fuqarolarning oilaviy muammolari hal etildi. Shuningdek, moddiy ko‘mak istab kelgan uch nafar fuqaroga homiylar ishtirokida yordam ko‘rsatildi.
