“Қурбон ҳайити” намози ўқилиши муносабати билан масжидларга келиб-кетишда аҳолига қулайлик яратиш мақсадида шаҳарлардаги мавжуд жамоат транспорти (автобус) фаолияти тонгги соат 03:00 дан бошлаб йўлга қўйилади. Бу ҳақда Фарғона вилояти Транспорт бошқармаси Ахборот хизмати хабар бермоқда.
Бундан ташқари ҳозирги кунда, Фарғона шаҳридаги “Муҳаммад Авлиё”, Марғилон шаҳридаги “Хожа Порсо”, Ўзбекистон туманидаги “Ўқчи”, Сўх туманидаги “Хазрати али”, Қува туманидаги “Абу Ҳанифа” ва Бувайда туманидаги “Мансурхон тўра” масжидларида қурилиш ишлари олиб борилаётганлиги ва ушбу масжидларда “Қурбон ҳайити” намози ўқилмаслигини инобатга олиб, ушбу ҳудуддаги фуқароларга қулайлик яратиш мақсадида, вилоят Транспорт бошқармаси ҳамда ИИБ ЖҲХ ЙХҲБ ҳамкорликда, худудларда фаолият кўрсатаётган бошқа масжидларга фуқароларни ўз вақтида хавфсиз етказиб қўйиш учун, тонгги соат 03:00 дан бошлаб вақтинчалик автобус қатновлари ташкил этилади.
