Ҳаётда турли хил ҳодисалар содир бўлиб туради. Табиий ва бошқа офатлар вақтида қандай чоралар кўриш, фуқароларга биринчи ёрдам кўрсатишни ҳамма ҳам уддалай олмайди. Бунинг учун зарурий билим ва кўникмани ўзлаштириш лозим. Фарғона вилояти Фавқулодда вазиятлар бошқармасида ташкил этилган семинар-тренингда айни шу мавзуда сўз борди.
Масжидга ташриф буюрувчи намозхонларни турли хавф-хатарлар юзага келган вақтда ҳимояланиш усулларидан бохабар этиш, моддий ва маданий бойлик ва ашёларни хавфдан ҳоли жойга эвакуация қилиш, қутқарув ва бошқа кечиктириб бўлмайдиган ишларни тартибли ташкил этиш борасида имом-хатибларга амалий ва назарий кўникмалар берилмоқда.
Семинар якунида тингловчиларга махсус сертификат топширилади.
