Бир ой аввал малакали гуруҳ раҳбарлари, тажрибали ишчи гуруҳ ва шифокорлар ҳамроҳлигида 1425 нафар фарғоналиклар Хаж амалларини адо этиш учун Саудия Арабистонига жўнаб кетишган эди.
Кеча кечки рейс билан Жидда -Наманган йўналишида учиб келган Boeing 767 самолёти Наманган халқаро аэропортига қўнди ва унда 239 нафар фарғоналик зиёратчилар юртимизга қайтиб келдилар. Уларни вилоят ҳокимлиги, мутасадди идоралар вакиллари кутиб олишди ва зиёратчилар махсус автобусларда вилоятимизга олиб келинди.
Шундан сўнг ҳамюртларимиз Риштон, Ёзёвон туманлари, Марғилон ва Қувасой шаҳарларидаги ўз манзилларига кузатиб қўйилди.
Фарғоналик зиёратчиларнинг юртимизга қайтиб келиш жараёнлари 27 июлгача давом этади.
