Бугун, 16 май куни Мадинаи мунавварадаги ўзбекистонлик зиёратчиларнинг дастлабки гуруҳлари эҳромга кириб, Мадина шаҳри яқинидаги мийқот – Зулҳулайфа водийсида таматту ҳажининг умрасини ният қилиб, Маккаи мукаррамага йўл олишди.
Таъкидлаш жоиз, “Ҳаж – 2025” мавсумида зиёратчиларга намунали хизмат кўрсатиш, уларнинг ҳаж ибодатларини гўзал адо этишлари учун айни кунларда Ишчи гуруҳи томонидан Макка шаҳрида ҳам жорий мавсумга кенг кўламли тайёргарлик ишлари ниҳоясига етказилди.
Маълумот ўрнида муқаддас икки шаҳарнинг ораси 460 километрни ташкил этади. Ушбу масофа замонавий автобусларда ўртача тезликда 5-6 соатда босиб ўтилади.
Аллоҳ таоло Маккаи мукаррамага отланган юртдошларимизнинг сафарларини муборак қилсин, Байтуллоҳ ёнида дуо қилишни барчамизга насиб этсин!
***
Bugun, 16 may kuni Madinai munavvaradagi oʼzbekistonlik ziyoratchilarning dastlabki guruhlari ehromga kirib, Madina shahri yaqinidagi miyqot – Zulhulayfa vodiysida tamattu hajining umrasini niyat qilib, Makkai mukarramaga yoʼl olishdi.
Taʼkidlash joiz, “Haj – 2025” mavsumida ziyoratchilarga namunali xizmat koʼrsatish, ularning haj ibodatlarini goʼzal ado etishlari uchun ayni kunlarda Ishchi guruhi tomonidan Makka shahrida ham joriy mavsumga keng koʼlamli tayyorgarlik ishlari nihoyasiga yetkazildi.
Maʼlumot oʼrnida muqaddas ikki shaharning orasi 460 kilometrni tashkil etadi. Ushbu masofa zamonaviy avtobuslarda oʼrtacha tezlikda 5-6 soatda bosib oʼtiladi.
Аlloh taolo Makkai mukarramaga otlangan yurtdoshlarimizning safarlarini muborak qilsin, Baytulloh yonida duo qilishni barchamizga nasib etsin!
