Бугун, 26 март куни Қадр кечаси оқшомида 27 кун давомида 1700 дан зиёд масжидда хушовоз қорилар томонидан ўқилган Қуръони каримнинг хатмоналари бўлиб ўтади. Диёримиз бўйлаб хатми Қуръонлар ўқилган масжидларда юртдошларимиз бир вақтнинг ўзида хатмонадан кейинги дуоларга қўл очишади.
Уламоларнинг таъкидлашича, Қуръон хатм қилинганидан сўнг қилинган дуо рад этилмайди. Чунки Қуръон Аллоҳнинг каломи бўлиб, уни тўлиқ ўқиб тугатиш улуғ ибодат. Бугун дунёю охират саодатига эришиш учун илтижо қилиш фурсатидир.
Анас ибн Молик розияллоҳу анҳудан ривоят қилинади: “Қуръон хатм қилинганда ижобат бўладиган дуо бор”. Бундан келиб чиқадики, жамоат бўлиб ўқилган намозлар, айниқса, хатми Қуръонлардан кейин қилинадиган дуолар ижобат бўлади, иншо Аллоҳ.
Аллоҳ таоло барчамизга Қадр кечаси, хатми Қуръон ва жамоат билан қилинадиган дуолар фазлидан баҳраманд айласин!
Хатмонага марҳабо, азизлар!
***
Bugun, 26 mart kuni Qadr kechasi oqshomida 27 kun davomida 1700 dan ziyod masjidda xushovoz qorilar tomonidan oʼqilgan Qurʼoni karimning xatmonalari boʼlib oʼtadi. Diyorimiz boʼylab xatmi Qurʼonlar oʼqilgan masjidlarda yurtdoshlarimiz bir vaqtning oʼzida xatmonadan keyingi duolarga qoʼl ochishadi.
Ulamolarning taʼkidlashicha, Qurʼon xatm qilinganidan soʼng qilingan duo rad etilmaydi. Chunki Qurʼon Аllohning kalomi boʼlib, uni toʼliq oʼqib tugatish ulugʼ ibodat. Bugun dunyoyu oxirat saodatiga erishish uchun iltijo qilish fursatidir.
Аnas ibn Molik roziyallohu anhudan rivoyat qilinadi: “Qurʼon xatm qilinganda ijobat boʼladigan duo bor”. Bundan kelib chiqadiki, jamoat boʼlib oʼqilgan namozlar, ayniqsa, xatmi Qurʼonlardan keyin qilinadigan duolar ijobat boʼladi, insho Аlloh.
Аlloh taolo barchamizga Qadr kechasi, xatmi Qurʼon va jamoat bilan qilinadigan duolar fazlidan bahramand aylasin!
Xatmonaga marhabo, azizlar!
