18 февраль куни Мисрнинг Порт-Саид шаҳрида VI-Халқаро Қуръон ва Ибтиҳола мусобақасининг очилиш маросими бўлиб ўтди. Унда Миср Вақфлар ва ислом ишлари вазири доктор Муҳаммад Мухтор Жума, Миср ёшлар ва спорт вазири Aшраф Субҳи, Миср президентининг диний ишлар бўйича маслаҳатчиси Шайх Усома ал-Aзҳарий, Порт Саид шаҳри ҳокими Aдел ал-Ғадбон ҳамда бир гуруҳ ал-Aзҳар уламолари ва маданият арбоблари қатнашди.
Танловнинг очилиш маросими Қуръон тиловати билан бошланиб, саловотлар ва нашидлар ҳам ижро этилди. Шунингдек, тадбирда бир қатор етук уламолар ва дин равнақи хизмат қилаётган соҳа вакиллари ва уларнинг оила аъзоларига ҳурмат бажо келтирилди.
Ушбу мусобақада иштирокчилар Қуръони каримнини тўлиқ ёддан ўқиш, чиройли овозда тиловат қилиш, нашидлар ҳамда дуою саловотлар айтиш бўйича рақобатлашмоқда.
Мусобақада Миср, БAA, Тунис, Жазоир, Судан, Фаластин, Иордания, Нигерия, Кения, Канада, Ливан, Марокаш, АҚШ, Яман, Эфиопия, Индонезия, Уганда, Покистон, Чад, Ҳиндистон ва шу каби 41 давлатдан 65 нафар қорилар иштирок этмоқда.
Мазкур мусобақа мисрлик таниқли ибтаҳал (нашид) устаси Шайх Насриддин Тубар шарафига ўтказилмоқда.
ЎМИ Матбуот хизмати
