Қиёмат куни инсонлар нимадан яратилади?

Одамнинг қиёмат куни қайта тирилтирилиши ҳақидаги ҳадиси шарифларда келган баённи ҳозирги замон илми тасдиқлади.

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صلى الله عليه وسلم: «كُلُّ ابْنِ آدَمَ تَأْكُلُهُ الْأَرْضُ، إِلَّا عَجْبُ الذَّنَبِ، مِنْهُ خُلِقَ، وَفِيهِ يُرَكَّبُ». رَوَاهُ الْبُخَارِيُّ وَأَبُو دَاوُدَ وَالنَّسَائِيُّ وَابْنُ مَاجَهْ وَأَحْمَدُ وَمَالِكٌ.

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам дедилар: «Одам боласнинг ҳамма жойи ер еб битиради, фақат ажбуз-занаб* чиримайди. Инсон ундан яратилган эди, (қиёмат куни) яна ундан яратилади».

Имом Бухорий, Насоий, Абу Довуд, Ибн Можа, Аҳмад ва Молик ривоят қилишган.

عَنْ أَبِي هُرَيْرَةَ قَالَ: قَالَ رَسُولُ اللهِ صلى الله عليه وسلم: «وَلَيْسَ مِنَ الْإِنْسَانِ شَيْءٌ إِلَّا يَبْلَى، إِلَّا عَظْمًا وَاحِدًا، وَهُوَ عَجْبُ الذَّنَبِ، وَمِنْهُ يُرَكَّبُ الْخَلْقُ يَوْمَ الْقِيَامَةِ». رَوَاهُ مُسْلِمٌ.

Абу Ҳурайра розияллоҳу анҳу айтади:

«Набий алайҳиссалом шундай дедилар: «Инсоннинг бир суякдан бошқа ҳамма нарсаси чирийди. Бу чиримагани – «ажбуз-занаб» деб аталувчи суякдир. Қиёмат куни махлуқотлар ўшандан тикланади».

Муслим ривоят қилган.

Ушбу икки ҳадисда келган маънодаги гапни тасдиқловчи яна бир қанча ҳадислар ҳам келган.

Бунинг устига, олимлар мазкур «ажбуз-занаб»ни топиб, синаб кўришган, уни ҳеч нарса билан йўқотиб бўлмаган.

Мусулмон кишининг одоби саҳиҳ ҳадисда келган гапни гап-сўзсиз тасдиқлашдир. «Мен бунга ишонмайман», дейишнинг ўрнига «Буни тушуниш учун менинг илмим етмаяпти», дейиш керак.

Бундан бир неча йил олдин Кувайтда «Қуръони Карим ва Суннатдаги илмий мўъжизалар» борасидаги саккизинчи умумжаҳон илмий анжумани бўлиб ўтди. Ўша анжуманда АҚШдан келган катта илмий гуруҳ ушбу ҳадис ҳақида янги оламшумул кашфиёт қилганини эълон қилди. Улар Расулуллоҳ соллаллоҳу алайҳи васаллам бундан бир минг тўрт юз йил илгари айтган ҳадислари илмий мўъжиза экани, бу ҳадис у зотнинг ҳақиқий пайғамбар эканларига далил бўлишини таъкидладилар.

Маъруза қилган ғайримусулмон одам Расулуллоҳ соллаллоҳу алайҳи васалламни ҳар тилга олганида у зотга араб тилида салавот ва салом айтиб сўзлади. Улар Расулуллоҳ соллаллоҳу алайҳи васалламнинг ушбу ҳадислари юзасидан эркакларнинг уруғлигида тажриба ўтказишибди. Бир уруғликнинг думини – «ажбуз-занаб»ини кесиб олиб, бошқа уруққа ёпиштиришибди. Ўша уруғни урчитишган экан, биринчи уруғ эгасига ўхшаш бола туғилибди. Бундан улар «ажбуз-занаб» инсоннинг коди экан, деган хулосага келибдилар.

Доктор Усмон Жийлоний ва шайх Абдулмажид Зиндонийлар ҳам 2003 йилнинг Рамазон ойида Санодаги Зиндонийнинг уйида думғаза билан бир неча илмий тажрибалар олиб боришди. Умуртқа думғазаси тўла аланга олиб ёнмагунича газ алангасига ўн дақиқа тутиб турилди (суяк олдин қизил рангга киргунча ловуллаб ёнди, кейин эса қорайиб кетди).

Улар куйдирилган бўлакларни стерилланган колбага (лаборатория шиша идишига) солиб, Санодаги машҳур илмий-тадқиқот лабораториясига (ал-Олакий лабораториясига) олиб боришди. Гистология ва патология профессори доктор Олакий тўқима бўлакларни ўрганиб, унинг куйдирилгани думғазанинг суяк тўқималарига таъсир қилмаганини айтади, яъни улар куйдирилгани билан ўзгармаган (фақат мушак, ёғ тўқимаси ва илик куйган, думғаза суякларининг ҳужайраларида эса ҳеч қандай ўзгариш бўлмаган).

“Қуръон ва суннатдаги илмий мўъжизалар” китобидан

***

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Odamning qiyomat kuni qayta tiriltirilishi haqidagi hadisi shariflarda kelgan bayonni hozirgi zamon ilmi tasdiqladi.

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صلى الله عليه وسلم: «كُلُّ ابْنِ آدَمَ تَأْكُلُهُ الْأَرْضُ، إِلَّا عَجْبُ الذَّنَبِ، مِنْهُ خُلِقَ، وَفِيهِ يُرَكَّبُ». رَوَاهُ الْبُخَارِيُّ وَأَبُو دَاوُدَ وَالنَّسَائِيُّ وَابْنُ مَاجَهْ وَأَحْمَدُ وَمَالِكٌ.

Abu Hurayra roziyallohu anhudan rivoyat qilinadi: «Rasululloh sollallohu alayhi vasallam dedilar: «Odam bolasning hamma joyi yer yeb bitiradi, faqat ajbuz-zanab* chirimaydi. Inson undan yaratilgan edi, (qiyomat kuni) yana undan yaratiladi».

Imom Buxoriy, Nasoiy, Abu Dovud, Ibn Moja, Ahmad va Molik rivoyat qilishgan.

عَنْ أَبِي هُرَيْرَةَ قَالَ: قَالَ رَسُولُ اللهِ صلى الله عليه وسلم: «وَلَيْسَ مِنَ الْإِنْسَانِ شَيْءٌ إِلَّا يَبْلَى، إِلَّا عَظْمًا وَاحِدًا، وَهُوَ عَجْبُ الذَّنَبِ، وَمِنْهُ يُرَكَّبُ الْخَلْقُ يَوْمَ الْقِيَامَةِ». رَوَاهُ مُسْلِمٌ.

Abu Hurayra roziyallohu anhu aytadi:

«Nabiy alayhissalom shunday dedilar: «Insonning bir suyakdan boshqa hamma narsasi chiriydi. Bu chirimagani – «ajbuz-zanab» deb ataluvchi suyakdir. Qiyomat kuni maxluqotlar o‘shandan tiklanadi».

Muslim rivoyat qilgan.

*«ajbuz-zanab» – dumg‘azaning uchidagi juda kichik suyak.

Ushbu ikki hadisda kelgan ma’nodagi gapni tasdiqlovchi yana bir qancha hadislar ham kelgan.

Buning ustiga, olimlar mazkur «ajbuz-zanab»ni topib, sinab ko‘rishgan, uni hech narsa bilan yo‘qotib bo‘lmagan.

Musulmon kishining odobi sahih hadisda kelgan gapni gap-so‘zsiz tasdiqlashdir. «Men bunga ishonmayman», deyishning o‘rniga «Buni tushunish uchun mening ilmim yetmayapti», deyish kerak.

Bundan bir necha yil oldin Kuvaytda «Qur’oni Karim va Sunnatdagi ilmiy mo‘jizalar» borasidagi sakkizinchi umumjahon ilmiy anjumani bo‘lib o‘tdi. O‘sha anjumanda AQSHdan kelgan katta ilmiy guruh ushbu hadis haqida yangi olamshumul kashfiyot qilganini e’lon qildi. Ular Rasululloh sollallohu alayhi vasallam bundan bir ming to‘rt yuz yil ilgari aytgan hadislari ilmiy mo‘jiza ekani, bu hadis u zotning haqiqiy payg‘ambar ekanlariga dalil bo‘lishini ta’kidladilar.

Ma’ruza qilgan g‘ayrimusulmon odam Rasululloh sollallohu alayhi vasallamni har tilga olganida u zotga arab tilida salavot va salom aytib so‘zladi. Ular Rasululloh sollallohu alayhi vasallamning ushbu hadislari yuzasidan erkaklarning urug‘ligida tajriba o‘tkazishibdi. Bir urug‘likning dumini – «ajbuz-zanab»ini kesib olib, boshqa uruqqa yopishtirishibdi. O‘sha urug‘ni urchitishgan ekan, birinchi urug‘ egasiga o‘xshash bola tug‘ilibdi. Bundan ular «ajbuz-zanab» insonning kodi ekan, degan xulosaga kelibdilar.

Doktor Usmon Jiyloniy va shayx Abdulmajid Zindoniylar ham 2003 yilning Ramazon oyida Sanodagi Zindoniyning uyida dumg‘aza bilan bir necha ilmiy tajribalar olib borishdi. Umurtqa dumg‘azasi to‘la alanga olib yonmagunicha gaz alangasiga o‘n daqiqa tutib turildi (suyak oldin qizil rangga kirguncha lovullab yondi, keyin esa qorayib ketdi).

Ular kuydirilgan bo‘laklarni sterillangan kolbaga (laboratoriya shisha idishiga) solib, Sanodagi mashhur ilmiy-tadqiqot laboratoriyasiga (al-Olakiy laboratoriyasiga) olib borishdi. Gistologiya va patologiya professori doktor Olakiy to‘qima bo‘laklarni o‘rganib, uning kuydirilgani dumg‘azaning suyak to‘qimalariga ta’sir qilmaganini aytadi, ya’ni ular kuydirilgani bilan o‘zgarmagan (faqat mushak, yog‘ to‘qimasi va ilik kuygan, dumg‘aza suyaklarining hujayralarida esa hech qanday o‘zgarish bo‘lmagan).

“Qur’on va sunnatdagi ilmiy mo‘jizalar” kitobidan