Йўловчи машинага чиқдик. Машинада бир ота ва ўғил ўтиришган экан. Ота боланинг қўлида семичка. Энг қизиғи ота семичка пўчоғини машинадан жамоат жойига ташларди. Уни кўрган фарзанд ҳам худди шу ишни такрорларди. Шу ўринга ажиб бир ҳикмат ёдимга тушди. Фарзанд кўзгу, яъни ўзимизни кўрсатадиган кўзгу. Фарзандимиз беодоб бўлса, айбни ўзимиздан қидирайлик. Пайғамбаримиз соллаллоҳу алайҳи вассаллам: «Ота фарзандига гўзал одобдан кўра яхшироқ нарса бера олмайди», дедилар.
Фарзандларимизга ўзимиз намуна бўлиб, гўзал одоб берайлик!
Давронбек Норматов,
Ўзбекистон тумани «Абу Мусо Ашъарий» масжиди имом-хатиби
