Бисмиллаҳир Роҳманир Роҳийм
Бир киши имом Вакийъ ибн Жарроҳ раҳимаҳуллоҳни сўкди. У зот жавоб қайтармадилар. Одамлар: “Унга жавоб қайтармайсизми?” дейишди. Шунда у зот: “Унда илм олганимиз қаерда қолади?!” дедилар.
Агар сизга бирор ақлсиз кимса гап қотса, унга жавоб қайтарманг. Илмингиз ҳурматидан, илмдан олган тарбиянгиз сабабидан одоб сақланг.
Имом Шофеъий раҳимаҳуллоҳ айтадилар: “Ақли паст кимса менга ниҳоятда қабиҳ сўзлар билан гапирса, унга жавоб қайтаришни ўзимга эп кўрмайман. Унинг сафоҳати ортган сари, менинг ҳалимлигим ортади. Гўё чўғ исириқни куйдирган сари, унинг ҳушбўйи кўпрок таралгандек”.
Ҳомиджон қори ИШМАТБЕКОВ
***
Bismillahir Rohmanir Rohiym
Bir kishi imom Vakiy’ ibn Jarroh rahimahullohni so‘kdi. U zot javob qaytarmadilar. Odamlar: “Unga javob qaytarmaysizmi?” deyishdi. Shunda u zot: “Unda ilm olganimiz qayerda qoladi?!” dedilar.
Agar sizga biror aqlsiz kimsa gap qotsa, unga javob qaytarmang. Ilmingiz hurmatidan, ilmdan olgan tarbiyangiz sababidan odob saqlang.
Imom Shofe’iy rahimahulloh aytadilar: “Aqli past kimsa menga nihoyatda qabih so‘zlar bilan gapirsa, unga javob qaytarishni o‘zimga ep ko‘rmayman. Uning safohati ortgan sari, mening halimligim ortadi. Go‘yo cho‘g‘ isiriqni kuydirgan sari, uning hushbo‘yi ko‘prok taralgandek”.
Homidjon qori ISHMATBЕKOV
