Савол: Ассалому алайкум!
— Тухум пўстлоғида калций моддаси кўп бўлгани сабаб табиблар ундан дори тайёрлашар экан. Шу тухум пўстлоғи аралашган дорини истеъмол қилиш жоизми?
Жавоб: Ва алайкум ассалом!
— Ҳа, тухум пўстлоғи ва у аралашган дорини модомики, пок ва тоза, яъни нопок ва ҳаром нарсалар аралашмаган бўлса, истеъмол қилиш жоиз. Чунки фиқҳий қоидага кўра, гўшти ҳалол паррандаларнинг тухуми ҳам ҳалол ва пок саналади. Бунда тухумнинг пўстлоғи истисно қилинмаган. Аксинча, гўшти ҳаром бўлган паррандаларнинг тухуми ҳам ҳаром ва ейиш ножоиз бўлади. Бу ҳақида аллома Ибн Нужайм роҳимаҳуллоҳ шундай зикр қилганлар:
لَوْ وَقَعَتْ الْبَيْضَةُ مِنْ الدَّجَاجَةِ فِي الْمَاءِ رَطْبَةً أَوْ يَبِسَتْ لَا يَتَنَجَّسُ الْمَاءُ
“Агар ҳўл тухум товуқнинг ичидан тўғри сувга тушса ёки қуриганидан кейин тушса, сув нопок бўлмайди” (“Ал-Баҳрур-роиқ” китоби). Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Tuxum po‘stlog‘ida kalsiy moddasi ko‘p bo‘lgani sabab tabiblar undan dori tayyorlashar ekan. Shu tuxum po‘stlog‘i aralashgan dorini iste’mol qilish joizmi?
Javob: Va alaykum assalom!
— Ha, tuxum po‘stlog‘i va u aralashgan dorini modomiki, pok va toza, ya’ni nopok va harom narsalar aralashmagan bo‘lsa, iste’mol qilish joiz. Chunki fiqhiy qoidaga ko‘ra, go‘shti halol parrandalarning tuxumi ham halol va pok sanaladi. Bunda tuxumning po‘stlog‘i istisno qilinmagan. Aksincha, go‘shti harom bo‘lgan parrandalarning tuxumi ham harom va yeyish nojoiz bo‘ladi. Bu haqida alloma Ibn Nujaym rohimahulloh shunday zikr qilganlar:
لَوْ وَقَعَتْ الْبَيْضَةُ مِنْ الدَّجَاجَةِ فِي الْمَاءِ رَطْبَةً أَوْ يَبِسَتْ لَا يَتَنَجَّسُ الْمَاءُ
“Agar ho‘l tuxum tovuqning ichidan to‘g‘ri suvga tushsa yoki quriganidan keyin tushsa, suv nopok bo‘lmaydi” (“Al-Bahrur-roiq” kitobi). Vallohu a’lam.
O‘zbekiston musulmonlari idorasi
Fatvo markazi
