Савол: Ассалому алайкум!
— Мен янги келинман (турмушга чиққанимга бир йил бўлди). Қайнотам ҳазил-ҳузул қилиб ҳар нарсаларни гапиради менга. Бундан ташқари уйимизда шахсий гигиена, покланиш учун шароитлар яхши эмас, ҳаммомга ҳам қайнотам баъзида рухсат бермайди. Хўжайинимга айтсам сабр қил, дейишдан у ёғига ўтмайди. Бунга шариат нима дейди?
Жавоб: Ва алайкум ассалом!
— Аввало Аллоҳ Сизга сабр берсин. Шариатимизда ҳазил-ҳузулнинг ҳам чегараси бор. Айнан қайнотанинг келини билан ҳазиллашиши мутлақо тўғри эмас. Кейинчалик бундай чегарадан чиқишлар ўта ноқулай вазиятлар ва оилаларнинг бузилишига олиб келиши воқеъликда кўрилмоқда.
Сизни бу вазиятда аввало эрингиз ҳимоя қилиши ва бундай ноқулайликларни у бартараф қилиши керак бўлади. Чунки оилада эр аёлини нафақа (яъни еб-ичиши, кийим-кечаги ва бошпана) билан таъминлашидан ташқари аёлининг шахсий кундалик ҳаётига керак бўладиган шароитларини ҳам яратиб бериши вожибдир. Валлоҳу аълам.
ЎМИ Фатво ҳайъати
