Диний соҳа ходимлари ўртасидаги миллий кураш мусобақасининг республика босқичи ўз якунига етди. Турнир қизғин кураш ва ёдда қоладиган ёрқин лаҳзаларга бой бўлди.
Финал учрашувида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ва Шаҳрисабз тумани ҳокими Абдусамад Ҳасанов иштирок этиб, табрик сўзи ва илиқ тилаклар билдиргани мусобақа шукуҳини янада ошириб, барчага хушкайфият улашди.
Ўзаро ҳурмат, дўсту биродарлик тадбирига айланган мусобақанинг муросасиз якуний баҳсларини спорт мухлислари катта қизиқиш ва олқишлар ила кузатиб боришди.
Якуний натижаларга кўра, финал учрашувида ғолиблик қуйидаги полвонларга насиб этди:
1-ўрин ғолиблари:
✅Фозилжон домла Аблазов (Қашқадарё)
✅Ҳошимжон домла Отажонов (Хоразм)
✅Мансур домла Кароматов (Қашқадарё)
✅Яҳё домла Очилов (Сурхондарё)
2-ўрин ғолиблари:
✅Усмонжон домла Каримбердиев (Жиззах)
✅Чориёр Қаюмов (Диний идора ходими)
✅Исломжон домла Хидиров (Самарқанд)
✅Нуруллоҳ домла Болтаев (Бухоро)
3-ўрин ғолиблари:
✅Ҳумойиддин домла Қурбонов (Сурхондарё)
✅Миродилжон домла Ғаниев (Андижон)
✅Ҳумоюн домла Сайдуллаев (Тошкент вилояти)
✅Расул домла Худойберганов (Қорақалпоғистон Р.)
✅Олимжон домла Орипов (Бухоро)
✅Исомиддин домла Шайниёзов (Наманган)
✅Муҳаммадмубин домла Рўзибоев (Тошкент шаҳар)
✅Шерзод домла Турсунов (Навоий)
Мусобақа якунида тантанали тақдирлаш маросими бўлиб ўтди. Унда Муфтий ҳазратлари ва ҳамкор ташкилот раҳбарлари турнир ғолиб ва совриндорларига медаллар ҳамда қимматбаҳо совғаларни топширдилар. Шунингдек, барча иштирокчиларга эсдалик совға ва китоб жамланмалари тақдим этилди.
Мазкур мусобақа нафақат спорт тадбири, балки соҳа ходимлари, хусусан, ёшларни соғлом турмуш тарзига тарғиб этиш, улар ўртасида дўстлик ва ҳамжиҳатликни мустаҳкамлаш йўлида катта қадам бўлди.
Ғалаба ва мукофотлар муборак бўлсин, бундай хайрли тадбирлар бардавом бўлсин!
***
Diniy soha xodimlari o‘rtasidagi milliy kurash musobaqasining respublika bosqichi o‘z yakuniga yetdi. Turnir qizg‘in kurash va yodda qoladigan yorqin lahzalarga boy bo‘ldi.
Final uchrashuvida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari va Shahrisabz tumani hokimi Abdusamad Hasanov ishtirok etib, tabrik so‘zi va iliq tilaklar bildirgani musobaqa shukuhini yanada oshirib, barchaga xushkayfiyat ulashdi.
O‘zaro hurmat, do‘stu birodarlik tadbiriga aylangan musobaqaning murosasiz yakuniy bahslarini sport muxlislari katta qiziqish va olqishlar ila kuzatib borishdi.
Yakuniy natijalarga ko‘ra, final uchrashuvida g‘oliblik quyidagi polvonlarga nasib etdi:
1-o‘rin g‘oliblari:
✅Foziljon domla Ablazov (Qashqadaryo)
✅Hoshimjon domla Otajonov (Xorazm)
✅Mansur domla Karomatov (Qashqadaryo)
✅Yahyo domla Ochilov (Surxondaryo)
2-o‘rin g‘oliblari:
✅Usmonjon domla Karimberdiyev (Jizzax)
✅Choriyor Qayumov (Diniy idora xodimi)
✅Islomjon domla Xidirov (Samarqand)
✅Nurulloh domla Boltayev (Buxoro)
3-o‘rin g‘oliblari:
✅Humoyiddin domla Qurbonov (Surxondaryo)
✅Mirodiljon domla G‘aniyev (Andijon)
✅Humoyun domla Saydullayev (Toshkent viloyati)
✅Rasul domla Xudoyberganov (Qoraqalpog‘iston R.)
✅Olimjon domla Oripov (Buxoro)
✅Isomiddin domla Shayniyozov (Namangan)
✅Muhammadmubin domla Ro‘ziboyev (Toshkent shahar)
✅Sherzod domla Tursunov (Navoiy)
Musobaqa yakunida tantanali taqdirlash marosimi bo‘lib o‘tdi. Unda Muftiy hazratlari va hamkor tashkilot rahbarlari turnir g‘olib va sovrindorlariga medallar hamda qimmatbaho sovg‘alarni topshirdilar. Shuningdek, barcha ishtirokchilarga esdalik sovg‘a va kitob jamlanmalari taqdim etildi.
Mazkur musobaqa nafaqat sport tadbiri, balki soha xodimlari, xususan, yoshlarni sog‘lom turmush tarziga targ‘ib etish, ular o‘rtasida do‘stlik va hamjihatlikni mustahkamlash yo‘lida katta qadam bo‘ldi.
G‘alaba va mukofotlar muborak bo‘lsin, bunday xayrli tadbirlar bardavom bo‘lsin!
