Савол: Ассалому алайкум!
— Биз қишлоқда турамиз. Қудуғимиздан лойқа сув чиқяпти, шу сув билан таҳорат олишим ёки ғусл қилишим мумкинми?
Жавоб: Ва алайкум ассалом!
— Ҳа, қудуғингиздан чиқаётган бундай сув билан таҳорат олиш, ғусл қилиш мумкин. Чунки сувга тупроқ каби пок нарса аралашса ва уни сувлик табиати (оқувчанлик ва юмшоқлик)дан чиқариб юбормаса, у покловчилик хусусиятини йўқотмайди.
Демак, сувга тупроқ, барг каби пок нарсалар аралашиши унинг ҳукмини ўзгартирмайди. Асосий шарти шуки, сув ўзининг оқувчанлик хусусиятини йўқотиб, қуюқ лойга айланиб қолмаган бўлса кифоя. Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Biz qishloqda turamiz. Qudug‘imizdan loyqa suv chiqyapti, shu suv bilan tahorat olishim yoki g‘usl qilishim mumkinmi?
Javob: Va alaykum assalom!
— Ha, qudug‘ingizdan chiqayotgan bunday suv bilan tahorat olish, g‘usl qilish mumkin. Chunki suvga tuproq kabi pok narsa aralashsa va uni suvlik tabiati (oquvchanlik va yumshoqlik)dan chiqarib yubormasa, u poklovchilik xususiyatini yo‘qotmaydi.
Demak, suvga tuproq, barg kabi pok narsalar aralashishi uning hukmini o‘zgartirmaydi. Asosiy sharti shuki, suv o‘zining oquvchanlik xususiyatini yo‘qotib, quyuq loyga aylanib qolmagan bo‘lsa kifoya. Vallohu a’lam.
O‘zbekiston musulmonlari idorasi
Fatvo markazi
