Савол: Ассалому алайкум!
— Шамоллаганим учун бурним битиб қолди. Ғусл қилаётганимда бурнимга сув тортсам, ачишадтган жойигача сув етиб бормаяпти. Менинг ғуслим қандай бўлади?
Жавоб: Ва алайкум ассалом!
— Сиз ғуслда сувни бурнингизнинг юмшок жойи, яни суяк қисми бошланадиган қисмигача етказасиз. Чунки ғуслда буруннинг юмшоқ жойигача сувни етказиш фарз бўлиб, ундан юқорисига, яъни ачишадиган еригача сув етказиш суннат ҳисобланади. Маълумки, тумов бўлган одам ҳам бурнининг суяк қисмигача сувни етказа
олади. Агар сувни тортганда у кирмаса, чап қўлнинг синчалоқ бармоғи орқали сувни етказиши мумкин. Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Shamollaganim uchun burnim bitib qoldi. G‘usl qilayotganimda burnimga suv tortsam, achishadtgan joyigacha suv yetib bormayapti. Mening g‘uslim qanday bo‘ladi?
Javob: Va alaykum assalom!
— Siz g‘uslda suvni burningizning yumshok joyi, yani suyak qismi boshlanadigan qismigacha yetkazasiz. Chunki g‘uslda burunning yumshoq joyigacha suvni yetkazish farz bo‘lib, undan yuqorisiga, ya’ni achishadigan yerigacha suv yetkazish sunnat hisoblanadi. Ma’lumki, tumov bo‘lgan odam ham burnining suyak qismigacha suvni yetkaza
oladi. Agar suvni tortganda u kirmasa, chap qo‘lning sinchaloq barmog‘i orqali suvni yetkazishi mumkin. Vallohu a’lam.
O‘zbekiston musulmonlari idorasi
Fatvo markazi
