Савол: Ассалому алайкум!
— Бир танишим сартарошхона қурди. Ўзи ҳам сартарош. Қурган сартарошхонаси қирқ миллионга тайёр бўлди. Кейин менга келиб, “Менга қирқ миллион бер, мен ижарага ишлаб, сенга ижара ҳақи тўлайман”, деди. Шундан олган фойдам ҳалол бўладими?
Жавоб: Ва алайкум ассалом!
— Ушбу келишув шаръан ижара ҳисобланмайди. Бирор объектни ижарага беришингиз учун аввал у сизнинг мулкингизга ўтиши керак бўлади. Мазкур ҳолатда эса сартарошхона танишингизники бўлиб қолмоқда. Аслида, бу қирқ миллион сўм қарз бериб, унинг эвазига фойда олишдир ва бу шариатда тақиқланган судхўрлик саналади. Ҳадиси шарифларда фойда келтирадиган ҳар қандай қарз рибодир, дейилган. Шунинг учун у сартарошхонасини сизга сотсин. Сизга ўтгач, унга ижарага берасиз ва олган пулингиз ҳалол бўлади. Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Bir tanishim sartaroshxona qurdi. O‘zi ham sartarosh. Qurgan sartaroshxonasi qirq millionga tayyor bo‘ldi. Keyin menga kelib, “Menga qirq million ber, men ijaraga ishlab, senga ijara haqi to‘layman”, dedi. Shundan olgan foydam halol bo‘ladimi?
Javob: Va alaykum assalom!
— Ushbu kelishuv shar’an ijara hisoblanmaydi. Biror obyektni ijaraga berishingiz uchun avval u sizning mulkingizga o‘tishi kerak bo‘ladi. Mazkur holatda esa sartaroshxona tanishingizniki bo‘lib qolmoqda. Aslida, bu qirq million so‘m qarz berib, uning evaziga foyda olishdir va bu shariatda taqiqlangan sudxo‘rlik sanaladi. Hadisi shariflarda foyda keltiradigan har qanday qarz ribodir, deyilgan. Shuning uchun u sartaroshxonasini sizga sotsin. Sizga o‘tgach, unga ijaraga berasiz va olgan pulingiz halol bo‘ladi. Vallohu a’lam.
O‘zbekiston musulmonlari idorasi
Fatvo markazi
