Савол: Ассалому алайкум!
— Жаноза намозида тўртта такбирни айтиш фарз деб эшитганмиз. Имомга иқтидо қилган кишилар ҳам такбирларни айтишлари керакми? Уларга ҳам тўрт такбирни айтиш фарз бўладими?
Жавоб: Ва алайкум ассалом!
— Албатта, иқтидо қилганлар ҳам мазкур такбирларни айтишлари фарз бўлади. Чунки уламоларимиз мазкур такбирлар бошқа намозлардаги ракатнинг ўрнида бўлади, яъни тўрт такбирли жаноза гўёки тўрт ракатли намознинг ҳукмида бўлади, деганлар.
Шу боис имом ҳам, унга иқтидо қилганлар ҳам такбирларни айтишлари шарт ҳисобланади. Агар кимдир такбирларни айтмаса, ёки улардан биттасини қолдирса, жаноза ўқиган бўлмайди. Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Janoza namozida to‘rtta takbirni aytish farz deb eshitganmiz. Imomga iqtido qilgan kishilar ham takbirlarni aytishlari kerakmi? Ularga ham to‘rt takbirni aytish farz bo‘ladimi?
Javob: Va alaykum assalom!
— Albatta, iqtido qilganlar ham mazkur takbirlarni aytishlari farz bo‘ladi. Chunki ulamolarimiz mazkur takbirlar boshqa namozlardagi rakatning o‘rnida bo‘ladi, ya’ni to‘rt takbirli janoza go‘yoki to‘rt rakatli namozning hukmida bo‘ladi, deganlar.
Shu bois imom ham, unga iqtido qilganlar ham takbirlarni aytishlari shart hisoblanadi. Agar kimdir takbirlarni aytmasa, yoki ulardan bittasini qoldirsa, janoza o‘qigan bo‘lmaydi. Vallohu a’lam.
O‘zbekiston musulmonlari idorasi
Fatvo markazi
