Мамлакатимиз мустақиллигининг 33 йиллик байрами олдидан юртимиз бўйлаб 24−25 август кунлари умумхалқ хайрия ҳашари ўтказилди. Унда маҳаллалар, аҳоли турар жойлари, масжиду зиёратгоҳлар ва қабристонларда ободонлаштириш ишлари олиб борилди.
Фарғона вилоятидаги барча масжидлар, зиёратгоҳ ва қабристонларда ҳам умумхалқ хайрия ҳашари кўтаринки кайфиятда ўтказилди. Бу масканларда ободонлаштириш ва кўкаламзорлаштириш ишларини қизғин равишда олиб борилди. Масжидлар, қабристон ва зиёратгоҳлар тозаланиб, махсус техникаларни жалб қилган ҳолда чиқиндилар чиқариб ташланди. Манзарали дарахтлар оқланиб, шакл берилди.
Дарҳақиқат, поклик иймоннинг ярми ҳамда файзу барака омили, буни чуқур англаган ҳар бир иймон соҳиби ўзи яшаб турган маскани, жамоатчилик жойлари, ибодатгоҳ ва зиёратгоҳларини, ҳатто кўз илғамас жойларни ҳам пок тутишга интилади. Халқимиз қадриятига айланиб улгурган ҳашар ана шундай эзгу ва хайрли ишларни ўзида мужассам қилгани билан ҳам аҳамиятлидир.
***
Mamlakatimiz mustaqilligining 33 yillik bayrami oldidan yurtimiz bo‘ylab 24−25 avgust kunlari umumxalq xayriya hashari o‘tkazildi. Unda mahallalar, aholi turar joylari, masjidu ziyoratgohlar va qabristonlarda obodonlashtirish ishlari olib borildi.
Farg‘ona viloyatidagi barcha masjidlar, ziyoratgoh va qabristonlarda ham umumxalq xayriya hashari ko‘tarinki kayfiyatda o‘tkazildi. Bu maskanlarda obodonlashtirish va ko‘kalamzorlashtirish ishlarini qizg‘in ravishda olib borildi. Masjidlar, qabriston va ziyoratgohlar tozalanib, maxsus texnikalarni jalb qilgan holda chiqindilar chiqarib tashlandi. Manzarali daraxtlar oqlanib, shakl berildi.
Darhaqiqat, poklik iymonning yarmi hamda fayzu baraka omili, buni chuqur anglagan har bir iymon sohibi o‘zi yashab turgan maskani, jamoatchilik joylari, ibodatgoh va ziyoratgohlarini, hatto ko‘z ilg‘amas joylarni ham pok tutishga intiladi. Xalqimiz qadriyatiga aylanib ulgurgan hashar ana shunday ezgu va xayrli ishlarni o‘zida mujassam qilgani bilan ham ahamiyatlidir.
