Тошлоқ тумани «Бурҳониддин Марғилоний» масжиди ҳамда туман бош имом-хатиби вазифасида хизмат олиб бораётган Иномжон Тўйчиев Ўзбекистон халқаро ислом академиясида магистратура даражасини тамомлади. У ҳимоя ишида Сўфи Оллоёр ҳазратларининг шахсияти, илмий меъросини ўрганиши устида тадқиқот олиб борди. Тадқиқот ишида “Саботу-л-ожизийн” китобининг ЎзР ФА Шарқшунослик Институти фондида сақланиб келинаётган қўлёзма нусхалари таҳлили вазифа сифатида белгилаб олинганди. Иномжон домла ушбу мавзу асосида магистрлик диссертация ишини муваффақиятли ҳимоя қилди. «Талқин ва тадқиқотлар» илмий-услубий журналида «Сўфи Оллоёрнинг ҳаёти ва фаолиятининг ўрганилиши» мавзусидаги мақоласи чоп этилди.
Биз домланинг келгуси илмий ва ижодий фаолиятига муваффақият тилаймиз.
