Бугун, масжидларимиз қайта чирой очмоқда, янги қиёфа кашф этмоқда. Мўмин-мусулмонлар учун яратилаётган қулай шарт-шароитлар, миллий ва замонавий руҳдаги масжид бино ва иншоотлари нафақат чиройи билан, балки мустаҳкамлиги билан кўзни қувонтиради ҳамда узоқ йиллар давомида халқимизга хизмат қилади.
Жорий йилнинг 22 сентябрь куни Марғилон шаҳрида жойлашган ўзининг қадимий тарихига эга бўлган “Хўжа Порсо” масжидининг қайта қурилиши, янги бино қад кўтариш олдидан маросим ташкил этилди. Унда Фарғона вилояти бош имом-хатиби Убайдуллоҳ домла Абдуллаев, Марғилон шаҳар ҳокими А.Зиёвутдинов, шаҳар бош имом-хатиби Абдулфаттоҳ домла Олимов, шунингдек, ҳалқ орасида ҳурмат ва эътиборга сазовор бўлган бир гуруҳ нуронийлар иштирок этишди.
Маросимга ташриф буюрган меҳмонлар иштирокида янги бинога ғишт қўйилиб, келажакда ушбу даргоҳ динимиз ривожи ҳамда халқимиз илму маърифатини ошишида маёқ бўлишини тилаб дуога қўл очилди.
