Жорий йилнинг 17 февраль куни ZOOM платформаси орқали «Масжидларда тозалик ва ободонлаштириш ишларини амалга ошириш, санитария-гигиена қоидаларига риоя этилишини назоратга олиш ва муқаддас Рамазон ойига тайёргарлик кўриш» бўйича ўтказилган йиғилишда берилган топшириқларнинг ижросини назорат қилиш мақсадида Фарғона вилояти бош имом-хатиби Убайдуллоҳ домла Абдуллаев ҳамда вилоят бош имом-хатиби ўринбосари Алишер домла Наимовлар Қўштепа тумани «Ҳазрати Мавлоно Лутфуллоҳ» масжиди ҳамда Марғилон шаҳридаги «Фурқон» масжидининг янги биносида олиб борилаётган ободонлаштириш ишларини кўздан кечирдилар.
Шунингдек, масжид мутасаддилари ва жамоаси билан учрашиб, улар билан суҳбат ўтказдилар. Учрашув давомида мутасаддиларга тегишли тавсия ва кўрсатмалар берилди.
Шу каби ташрифлар бошқа масжидларда ҳам давом эттирилади.
