Бугун, 24 май куни вилоят бош имом-хатиби Убайдуллоҳ домла Абдуллаев Фурқат туманига ташриф буюрди.
Дастлабки ташриф манзили «Уста Юсуфжон наққош» ҳунармандчилик мактаби бўлди. У ерда муқаддас ҳаж амалларини адо этиш тараддудида бўлган туманлик зиёратчилар билан учрашув бўлиб ўтди.
Учрашувда Убайдуллоҳ домла зиёратчиларни муборак сафар билан қутлаб, Ҳаж амалларини бажариш тартиби, ҳожилик мақоми ва масъулияти ҳамда ҳажжи мабрурнинг фазилатлари ҳақида суҳбат қилиб берди. Ишчи гуруҳ ва гуруҳ раҳбарларининг тавсия ва кўрсатмаларига амал қилиш, бу эса ибодатни мукаммал ва осон адо этишда муҳим аҳамиятга эга экани таъкидланди.
Зиёратчилар суҳбатни мароқ ва ҳаяжон билан тинглаб, ўзларини қизиқтирган саволларга ҳам жавоб олдилар.
Суҳбат хайрли дуолар билан якунланди.
* * *
Bugun, 24 may kuni viloyat bosh imom-xatibi Ubaydulloh domla Abdullayev Furqat tumaniga tashrif buyurdi.
Dastlabki tashrif manzili «Usta Yusufjon naqqosh» hunarmandchilik maktabi bo‘ldi. U yerda muqaddas haj amallarini ado etish taraddudida bo‘lgan tumanlik ziyoratchilar bilan uchrashuv bo‘lib o‘tdi.
Uchrashuvda Ubaydulloh domla ziyoratchilarni muborak safar bilan qutlab, Haj amallarini bajarish tartibi, hojilik maqomi va mas’uliyati hamda hajji mabrurning fazilatlari haqida suhbat qilib berdi. Ishchi guruh va guruh rahbarlarining tavsiya va ko‘rsatmalariga amal qilish, bu esa ibodatni mukammal va oson ado etishda muhim ahamiyatga ega ekani ta’kidlandi.
Ziyoratchilar suhbatni maroq va hayajon bilan tinglab, o‘zlarini qiziqtirgan savollarga ham javob oldilar.
Suhbat xayrli duolar bilan yakunlandi.
