Абу Дардо розияллоҳу анҳу: “Сен олим ё ўрганувчи ёки унга қулоқ тутувчи бўл. Лекин тўртинчиси бўлмагилки, ҳалок бўласан”, деган бўлсалар, тобеинлардан Ато Ибн Абу Рабоҳ: “Бир илм мажлиси лағв – беҳуда мажлислардан 70 тасига каффорат бўлади”, дея марҳамат қилганлар.
Халқимизнинг илм ва илм аҳлига муҳаббат чексиз. Шу сабаб ҳам қаерда илмий мажлис бўлишини эшитиши билан унга ошиқувчилар талайгина. Юртдошларимизнинг илмга бўлган ихлосини инобатга олган ҳолда Ўзбекистон мусулмонлари идораси Фарғона вилояти вакиллигининг хайрли бир режаси тасдиқланди. Унга кўра, вилоятимизнинг бир гуруҳ таниқли аҳли илмлари белгиланган режа асосида жойларда хуфтон намозига ташриф буюриб, суҳбат олиб борадилар.
Бугун, 27 ноябрь шанба куни бир гуруҳ уламолар хуфтон намозига масжидларга ташриф буюрадилар. Улар билан танишинг:
Юнусхон домла Мамарасулов («Саид Жалолхон тўра» масжиди имом-хатиби) Қўштепа туманидаги “Ғиштмон” масжидига;
Шукруллоҳ домла Эгамбердиев (Тошлоқ тумани бош имом-хатиби) Ёзёвон туманидаги “Билол ибн Рабоҳ” масжидига;
Асрорхон домла Хамидов («Ҳадя ҳожи» масжиди имом-хатиби) Учкўприк туманидаги “Кўшки Туркон” масжидига;
Олимжон домла Абиджонов («Ислом» масжиди имом ноиби) Фарғона шаҳридаги “Тоййиба” масжидига;
Шухратжон домла Отаназаров («Аҳмад яссавий» масжиди имом-хатиби) Қўштепа туманидаги “Салмон Форсий” масжидига хуфтонга;
Жалолиддин домла Маматқулов (“Шоҳ Муқаддам” масжиди имом-хатиби) Қўқон шаҳридаги “Зинбардор” масжидига;
Азизхон домла Бахромов (“Тоййиба” масжиди имом-хатиби) Қўштепа туманидаги “Мўйи муборак” масжидига;
Шокиржон домла Турдиев (“Абдусамад Охун” масжиди имом ноиби) Марғилон шаҳридаги “Тўрт кўл” масжидига;
Давронбек домла Норматов (“Абу Мусо ал-Ашъарий” масжиди имом-хатиби) Қўқон шаҳридаги “Ғиштли” масжидига;
Иқболжон домла Аъзамов (“Дегрезлик” масжиди имом-хатиби) Данғара туманидаги “Оқтепа” масжидига ташриф буюрадилар.
Аллоҳ таоло ушбу ишни бардавом ва хайрли қилсин!
