«Устоз-шогирд» мактаби Ўзбекистон мусулмонлари идораси тизимида хизмат қилаётган имом-хатиб ва имом-ноиблар ўртасида касбий маҳоратни ошириш, илмий-ижодий, маънавий-маърифий фаолият олиб бориш йўналишларида ўзаро ҳамкорликни мустаҳкамлаш мақсадида жорий қилинаётган механизм ҳисобланади.
«Устоз-шогирд» мактаби анъанасини тиклаш, соҳада хизмат қилаётган ёш кадрлар салоҳиятини ошириш мақсадида Фарғона вилояти вакиллиги томонидан тадбир ташкилланди. Тадбирда вилоят бош имом-хатиби Убайдуллоҳ домла Абдуллаев, вилоят бош имом-хатиби ўринбосари Алишер домла Наимов ҳамда шаҳар-туман бош имом-хатиблари, тажрибали имомлар иштирок этишди.
Тадбирда таълим даргоҳларини тамомлаб, соҳада фаолият бошлаган ёш имомлар тажрибали, устозларга бириктирилгани, ушбу механизм ёш имомларнинг касбий маҳоратни ошириш, илмий-ижодий, маънавий-маърифий фаолиятни мустаҳкамлашда муҳим аҳамият касб этиши таъкидланди. Устоз ва шогирдларга қўйиладиган вазифала ва масъулиятлар айтилди.
Шунингдек, тадбирда муборак Рамазон ойи муносабати билан барча масжидларда ҳамда уларга туташ бўлган зиёратгоҳ, қадамжо ва қабристонларда ободонлаштириш ишларини амалга ошириш, мўмин-мусулмонлар эмин-эркин ибодат қилиши учун масжидларда хавфсизлик чораларини кўриш, жумладан, электр, газ, транспорт ва ёнғин хавфсизлиги ҳамда хонақоҳлар муҳофазасига эътибор қаратиш муҳимлиги таъкидланди.
***
«Ustoz-shogird» maktabi O‘zbekiston musulmonlari idorasi tizimida xizmat qilayotgan imom-xatib va imom-noiblar o‘rtasida kasbiy mahoratni oshirish, ilmiy-ijodiy, ma’naviy-ma’rifiy faoliyat olib borish yo‘nalishlarida o‘zaro hamkorlikni mustahkamlash maqsadida joriy qilinayotgan mexanizm hisoblanadi.
«Ustoz-shogird» maktabi an’anasini tiklash, sohada xizmat qilayotgan yosh kadrlar salohiyatini oshirish maqsadida Farg‘ona viloyati vakilligi tomonidan tadbir tashkillandi. Tadbirda viloyat bosh imom-xatibi Ubaydulloh domla Abdullayev, viloyat bosh imom-xatibi o‘rinbosari Alisher domla Naimov hamda shahar-tuman bosh imom-xatiblari, tajribali imomlar ishtirok etishdi.
Tadbirda ta’lim dargohlarini tamomlab, sohada faoliyat boshlagan yosh imomlar tajribali, ustozlarga biriktirilgani, ushbu mexanizm yosh imomlarning kasbiy mahoratni oshirish, ilmiy-ijodiy, ma’naviy-ma’rifiy faoliyatni mustahkamlashda muhim ahamiyat kasb etishi ta’kidlandi. Ustoz va shogirdlarga qo‘yiladigan vazifala va mas’uliyatlar aytildi.
Shuningdek, tadbirda muborak Ramazon oyi munosabati bilan barcha masjidlarda hamda ularga tutash bo‘lgan ziyoratgoh, qadamjo va qabristonlarda obodonlashtirish ishlarini amalga oshirish, mo‘min-musulmonlar emin-erkin ibodat qilishi uchun masjidlarda xavfsizlik choralarini ko‘rish, jumladan, elektr, gaz, transport va yong‘in xavfsizligi hamda xonaqohlar muhofazasiga e’tibor qaratish muhimligi ta’kidlandi.
