Бугун, 22 апрель куни Риёз шаҳрида бўлиб ўтаётган Исломий фиқҳ академиясининг 23-давра йиғилиши ўз ишини якунлади. Анжуман якунида тегишли қарорлар қабул қилинди, иштирокчилар миннатдорлик сўзларини изҳор этдилар ва уламолар ўртасида ўзаро мулоқотлар бўлиб ўтди. Ўзбекистон мусулмонлари идораси раиси, муфтий Шайх Нуриддин Холиқназар ҳазратлари дунё мамлакатларидан келган таниқли уламолар, машҳур муфтийлар ва халқаро ташкилотлар етакчилари билан учрашдилар.
Жумладан:
Саудия Арабистони Қироллик Девони маслаҳатчиси Шайх Абдуллоҳ бин Сулаймон ал-Манийъ;
Саудия Арабистони Жидда шаҳридаги Ислом ҳамкорлик ташкилоти ҳузуридаги Халқаро Ислом фиқҳи академияси раиси Доктор Қутб Мустафо Сану;
Ислом олами уюшмаси ҳузуридаги Исломий фиқҳ академияси Бош котиби Шайх Доктор Абдураҳмон бин Абдуллоҳ аз-Зайд;
Миср Араб Республикаси муфтийси Шайх Доктор Шавқий Иброҳим Аллом;
Мавритания Фатво ва шикоятлар бўйича Олий кенгаш раиси Шайх Доктор Исламу Валад Саййид ал-Мустафо;
Ироқ фиқҳ академияси раиси Шайх Доктор Аҳмад Ҳасан ат-Тоҳа;
Сербия давлати муфтийси Шайх Мустафо Юсуф Сабаҳич;
Словения давлати Бош муфтийси Шайх Нузт Бурич;
Гонконг давлати муфтийси Шайх Муҳаммад Аршад;
Албания давлати Бош муфтийси Шайх Буяр Сабаҳю кабилар билан суҳбат қурилди.
Самимий мулоқотлар чоғида дин пешволари конференция юқори даражада ташкил этилгани ҳақида сўз юритиш баробарида халқаро анжуманда муҳокама қилинган муҳим масалалар, билдирилган таклифлар таҳсинга лойиқ экани ҳамда уларни амалиётга жорий этиш катта самара беришини қайд этдилар. Шунингдек, ҳозирги кунда мусулмон уммати олдида турган долзарб муаммолар, келгусидаги истиқболли режалар тўғрисида фикр алмашдилар.
Эртага, 23 апрель куни Муфтий ҳазратлари Саудия Арабистони пойтахти Риёз шаҳридаги бўлиб ўтадиган Ислом олами уюшмаси Олий Кенгашининг 46-йиғилишида иштирок этадилар.
* * *
Bugun, 22 aprel kuni Riyoz shahrida bo‘lib o‘tayotgan Islomiy fiqh akademiyasining 23-davra yig‘ilishi o‘z ishini yakunladi. Anjuman yakunida tegishli qarorlar qabul qilindi, ishtirokchilar minnatdorlik so‘zlarini izhor etdilar va ulamolar o‘rtasida o‘zaro muloqotlar bo‘lib o‘tdi. O‘zbekiston musulmonlari idorasi raisi, muftiy Shayx Nuriddin Xoliqnazar hazratlari dunyo mamlakatlaridan kelgan taniqli ulamolar, mashhur muftiylar va xalqaro tashkilotlar yetakchilari bilan uchrashdilar.
Jumladan:
Saudiya Arabistoni Qirollik Devoni maslahatchisi Shayx Abdulloh bin Sulaymon al-Maniy’;
Saudiya Arabistoni Jidda shahridagi Islom hamkorlik tashkiloti huzuridagi Xalqaro Islom fiqhi akademiyasi raisi Doktor Qutb Mustafo Sanu;
Islom olami uyushmasi huzuridagi Islomiy fiqh akademiyasi Bosh kotibi Shayx Doktor Abdurahmon bin Abdulloh az-Zayd;
Misr Arab Respublikasi muftiysi Shayx Doktor Shavqiy Ibrohim Allom;
Mavritaniya Fatvo va shikoyatlar bo‘yicha Oliy kengash raisi Shayx Doktor Islamu Valad Sayyid al-Mustafo;
Iroq fiqh akademiyasi raisi Shayx Doktor Ahmad Hasan at-Toha;
Serbiya davlati muftiysi Shayx Mustafo Yusuf Sabahich;
Sloveniya davlati Bosh muftiysi Shayx Nuzt Burich;
Gonkong davlati muftiysi Shayx Muhammad Arshad;
Albaniya davlati Bosh muftiysi Shayx Buyar Sabahyu kabilar bilan suhbat qurildi.
Samimiy muloqotlar chog‘ida din peshvolari konferensiya yuqori darajada tashkil etilgani haqida so‘z yuritish barobarida xalqaro anjumanda muhokama qilingan muhim masalalar, bildirilgan takliflar tahsinga loyiq ekani hamda ularni amaliyotga joriy etish katta samara berishini qayd etdilar. Shuningdek, hozirgi kunda musulmon ummati oldida turgan dolzarb muammolar, kelgusidagi istiqbolli rejalar to‘g‘risida fikr almashdilar.
Ertaga, 23 aprel kuni Muftiy hazratlari Saudiya Arabistoni poytaxti Riyoz shahridagi bo‘lib o‘tadigan Islom olami uyushmasi Oliy Kengashining 46-yig‘ilishida ishtirok etadilar.
