Малайзия давлат телерадиокомпаниясининг “TV Okey” телеканали ушбу мамлакатда, шунингдек, Сингапур, Таиланд, Шимолий Индонезия ва Филиппинда эфирга узатиладиган оммавий маданият ва кўнгилочар сегментида машҳурдир.
Туризм қўмитаси Ўзбекистоннинг Малайзиядаги элчихонаси билан ҳамкорликда телеканал буюртмасига кўра “Sulalatus Salatin Sdn Bhd” медиа компанияси ижодий жамоасининг Ўзбекистонга бир ҳафталик ташрифини ташкил қилди.
Ташрифдан кўзланган мақсад – Ўзбекистоннинг туризм салоҳияти, маданий ва тарихий меросига бағишланган теледастурлар доирасида олти қисмдан иборат Малайзияда қизиқарли медиа-контентни тайёрлаш ва намойиш этишдан иборат.
Телекўрсатувлар икки қисмдан иборат бўлади. Биринчиси Тошкент, Самарқанд, Бухоро шаҳарлари ва Тошкент вилоятининг Бўстонлиқ туманининг маданий мероси, туризм инфратузилмаси ва табиий ресурсларига бағишланади. Иккинчиси, мамлакатнинг гастрономик ва агротуризм салоҳиятидир. Тасвирга олиш ишлари Тошкент шаҳридаги Чорсу, Самарқанддаги Сиёб ва бошқа жойларда миллий таомлар ресторанлари ҳамда бозорларида ташкил этилди.
* * *
Malayziya davlat teleradiokompaniyasining “TV Okey” telekanali ushbu mamlakatda, shuningdek, Singapur, Tailand, Shimoliy Indoneziya va Filippinda efirga uzatiladigan ommaviy madaniyat va ko‘ngilochar segmentida mashhurdir.
Turizm qo‘mitasi O‘zbekistonning Malayziyadagi elchixonasi bilan hamkorlikda telekanal buyurtmasiga ko‘ra “Sulalatus Salatin Sdn Bhd” media kompaniyasi ijodiy jamoasining O‘zbekistonga bir haftalik tashrifini tashkil qildi.
Tashrifdan ko‘zlangan maqsad – O‘zbekistonning turizm salohiyati, madaniy va tarixiy merosiga bag‘ishlangan teledasturlar doirasida olti qismdan iborat Malayziyada qiziqarli media-kontentni tayyorlash va namoyish etishdan iborat.
Teleko‘rsatuvlar ikki qismdan iborat bo‘ladi. Birinchisi Toshkent, Samarqand, Buxoro shaharlari va Toshkent viloyatining Bo‘stonliq tumanining madaniy merosi, turizm infratuzilmasi va tabiiy resurslariga bag‘ishlanadi. Ikkinchisi, mamlakatning gastronomik va agroturizm salohiyatidir. Tasvirga olish ishlari Toshkent shahridagi Chorsu, Samarqanddagi Siyob va boshqa joylarda milliy taomlar restoranlari hamda bozorlarida tashkil etildi.
