Жорий йил 24 май кунги Ўзбекистон мусулмонлари идораси буйруғига асосан Шукуржон домла Эгамбердиев Тошлоқ тумани бош имом-хатиби ҳамда Тошлоқ тумани «Абу Ҳанифа» жоме масжиди имом-хатиби этиб тайинланди. Шу муносабат билан Шукуржон домла Эгамбердиев Марғилон шаҳридаги «Мўйи Муборак» масжиди имом-хатиби вазифасидан озод этилди.
Шукуржон домла Эгамбердиевга янги масъулиятли ва шарафли вазифасида халқимизнинг диний-маърифий эҳтиёжини таъминлаш йўлида Аллоҳ таолодан куч-қувват сўраймиз.
Эслатиб ўтамиз, аввалроқ Шукуржон домла Эгамбердиев Марғилон шаҳридаги «Мўйи Муборак» масжиди имом-хатиби вазифасига тайинлангани хабари берилганди.