Аллоҳ таоло Ўзининг фазлу карами ила инсон зотини ақл ва идрок соҳиби қилиб яратди ва унга беҳисоб неъматларни ато қилиб, улардан баҳраманд қилди. Шу билан бир қаторда Ўзининг неъматларига шукр айтишга ҳам буюриб, каломида шукр қилувчиларга неъматларини янада зиёда қилиш ваъдасини бериб, шундай дейди:
“Яна Раббингиз эълон қилган (бу сўзлар) ни эслангиз: «Қасамки, агар (берган неъматларимга) шукр қилсангиз, албатта, (уларни янада) зиёда қилурман. Борди-ю, ношукрчилик қилсангиз, албатта, азобим (ҳам) жуда қаттиқдир”.
2024 йил 24 январь куни Ўзбекистон Республикаси Миллий гвардияси Фарғона вилояти Қўриқлаш бошқармасида маърифий тадбир бўлиб ўтди. Унда Фарғона шаҳар «Хўжамбердибой» масжиди имом-хатиби Хусниддин домла Турсунзода иштирок этиб, мустақил юртимизда инсон қадри учун олиб борилаётган ислоҳотлар хусусида, шунингдек, бугунги тинч ва эркин ҳаётни қадрлаб шукроналик туйғуси билан яшаш лозимлиги юзасидан фикрлар билдирди.
* * *
Alloh taolo O‘zining fazlu karami ila inson zotini aql va idrok sohibi qilib yaratdi va unga behisob ne’matlarni ato qilib, ulardan bahramand qildi. Shu bilan bir qatorda O‘zining ne’matlariga shukr aytishga ham buyurib, kalomida shukr qiluvchilarga ne’matlarini yanada ziyoda qilish va’dasini berib, shunday deydi:
“Yana Rabbingiz e’lon qilgan (bu so‘zlar) ni eslangiz: «Qasamki, agar (bergan ne’matlarimga) shukr qilsangiz, albatta, (ularni yanada) ziyoda qilurman. Bordi-yu, noshukrchilik qilsangiz, albatta, azobim (ham) juda qattiqdir”.
2024 yil 24 yanvar kuni O‘zbekiston Respublikasi Milliy gvardiyasi Farg‘ona viloyati Qo‘riqlash boshqarmasida ma’rifiy tadbir bo‘lib o‘tdi. Unda Farg‘ona shahar «Xo‘jamberdiboy» masjidi imom-xatibi Xusniddin domla Tursunzoda ishtirok etib, mustaqil yurtimizda inson qadri uchun olib borilayotgan islohotlar xususida, shuningdek, bugungi tinch va erkin hayotni qadrlab shukronalik tuyg‘usi bilan yashash lozimligi yuzasidan fikrlar bildirdi.
