Яқинлашиб келаётган муборак Қурбон ҳайити муносабати билан Фарғона вилоятидаги барча масжидларда ҳайит намозини тартибли ҳолда ўтказиш учун зарур тайёргарлик ишлари амалга оширилди. Вилоятдаги барча масжидларда ҳайит намозига тайёргарликнинг дастлабки босқичи сифатида кенг кўламли тозалаш ва ободонлаштириш ишлари амалга оширилди. Ҳар бир масжид атрофи тозаланди, ички ва ташқи қисмлар санитария талабларига мувофиқ ҳолга келтирилди.
Шу билан бирга, ёнғин ва техник ҳолатлар юзасидан ҳам жиддий чоралар кўрилди. Масжидларнинг ёнғин хавфсизлиги тизимлари кўздан кечирилди, эҳтиёт чоралари кўрилди, масжид маъмуриятига хавфсизлик қоидалари юзасидан зарурий йўриқномалар берилди. Ҳар қандай фавқулодда ҳолатларнинг олдини олиш мақсадида тегишли идоралар билан ҳамкорликда иш олиб борилди.
Айни кунларда муборак Ҳаж сафарида бўлиб турган имом-хатиблар ўрнига туман ва шаҳарлар бўйича масъул имомлар тайинланди. Уларга ҳайит намозини тартибли ва мукаммал адо этиш бўйича ёш имомларга ўқув-машғулотлар олиб борилди.
Вилоятимиздаги жами 194 та масжидда Қурбон ҳайити намози эрталаб соат 05:00 да ўқилиши белгиланди.
***
Yaqinlashib kelayotgan muborak Qurbon hayiti munosabati bilan Farg‘ona viloyatidagi barcha masjidlarda hayit namozini tartibli holda o‘tkazish uchun zarur tayyorgarlik ishlari amalga oshirildi. Viloyatdagi barcha masjidlarda hayit namoziga tayyorgarlikning dastlabki bosqichi sifatida keng ko‘lamli tozalash va obodonlashtirish ishlari amalga oshirildi. Har bir masjid atrofi tozalandi, ichki va tashqi qismlar sanitariya talablariga muvofiq holga keltirildi.
Shu bilan birga, yong‘in va texnik holatlar yuzasidan ham jiddiy choralar ko‘rildi. Masjidlarning yong‘in xavfsizligi tizimlari ko‘zdan kechirildi, ehtiyot choralari ko‘rildi, masjid ma’muriyatiga xavfsizlik qoidalari yuzasidan zaruriy yo‘riqnomalar berildi. Har qanday favqulodda holatlarning oldini olish maqsadida tegishli idoralar bilan hamkorlikda ish olib borildi.
Ayni kunlarda muborak Haj safarida bo‘lib turgan imom-xatiblar o‘rniga tuman va shaharlar bo‘yicha mas’ul imomlar tayinlandi. Ularga hayit namozini tartibli va mukammal ado etish bo‘yicha yosh imomlarga o‘quv-mashg‘ulotlar olib borildi.
Viloyatimizdagi jami 194 ta masjidda Qurbon hayiti namozi ertalab soat 05:00 da o‘qilishi belgilandi.
