Ўн икки ойнинг султони бўлган Рамазон яқинлашмоқда. Халқимиз бу кунларни интиқлик ила кутади. Айниқса, масжидларимиздаги таровеҳ намозларидаги хатми Қуръонларнинг файзи, таровати ўзгача. Қорилар ҳам бунга алоҳида тайёргарлик кўришмоқда.
Ҳафта аввалида Фарғона вилоятидаги масжидларда Рамазон ойида хатми Қуръонга ўтувчи қорилар Фарғона шаҳридаги «Аҳмаджон қори» масжидида жам бўлдилар. Унда қориларга хатми Қуръонни кўтаринки руҳда ўтказиш бўйича тавсиялар берилди.
Тиловатларни мўътадил равишда ўқиш, жуда тез ёки ўта секин ҳам ўқимаслик, шунингдек, бир оятни такрор-такрор ўқишдан сақланиш, жамоатни малоллантириб қўядиган даражада узоқ ўқимаслик, хатм қилишда Қуръони каримни бошидан бошлаб охиригача тартиб билан етказиш, ўртадан ёки охиридан бошлаб тартибни бузмасликка эътибор қаратиш таъкидланди.
Шунингдек, қориларнинг ҳифзи, қироат ва маҳоратлари синовдан ўтказилди.
* * *
O‘n ikki oyning sultoni bo‘lgan Ramazon yaqinlashmoqda. Xalqimiz bu kunlarni intiqlik ila kutadi. Ayniqsa, masjidlarimizdagi taroveh namozlaridagi xatmi Qur’onlarning fayzi, tarovati o‘zgacha. Qorilar ham bunga alohida tayyorgarlik ko‘rishmoqda.
Hafta avvalida Farg‘ona viloyatidagi masjidlarda Ramazon oyida xatmi Qur’onga o‘tuvchi qorilar Farg‘ona shahridagi «Ahmadjon qori» masjidida jam bo‘ldilar. Unda qorilarga xatmi Qur’onni ko‘tarinki ruhda o‘tkazish bo‘yicha tavsiyalar berildi.
Tilovatlarni mo‘tadil ravishda o‘qish, juda tez yoki o‘ta sekin ham o‘qimaslik, shuningdek, bir oyatni takror-takror o‘qishdan saqlanish, jamoatni malollantirib qo‘yadigan darajada uzoq o‘qimaslik, xatm qilishda Qur’oni karimni boshidan boshlab oxirigacha tartib bilan yetkazish, o‘rtadan yoki oxiridan boshlab tartibni buzmaslikka e’tibor qaratish ta’kidlandi.
Shuningdek, qorilarning hifzi, qiroat va mahoratlari sinovdan o‘tkazildi.