Дин ишлари бўйича қўмита, Миллатлараро муносабатлар ва хориждаги ватандошлар масалалари бўйича қўмитаси ҳамда қатор вазирлик ва идоралар ҳамкорлигида 16 ноябрь – Халқаро бағрикенглик куни муносабати билан жорий йилнинг 10-15-ноябрь кунлари республиканинг барча ҳудудида «Бағрикенглик ҳафталиги» ўтказилади.
Ҳафталикни ўтказишдан кўзланган мақсад – мамлакатимизда миллатлараро тотувлик, динлараро ҳамжиҳатлик ва бағрикенглик муҳитини янада мустаҳкамлаш, фуқаролар ўртасида ўзаро ҳурмат ва бирдамлик фазилатларини тарғиб этишдан иборат.
Ҳафталик доирасида вилоятлар ва Тошкент шаҳридаги нуфузли томоша майдонлари, сўлим ҳиёбонлар ва боғларда турли маданий, илмий-амалий ва маърифий тадбирлар, «Ўзбекистон – бағрикенг диёр» шиори остида концерт дастурлари, фото кўргазмалар, қардош халқлар ёзувчи-шоир ва рассомларининг бадиий асарлари тақдимоти, турли экскурсиялар, спорт ўйинлари, интеллектуал ва бошқа турдаги мусобақалар ўтказилади.
Барча юртдошларимизни бағрикенглик, ҳамжиҳатлик ва тотувлик байрамини биргаликда нишонлашга чорлаймиз!
Дин ишлари бўйича қўмита Ахборот хизмати
***
Din ishlari boʻyicha qoʻmita, Millatlararo munosabatlar va xorijdagi vatandoshlar masalalari boʻyicha qoʻmitasi hamda qator vazirlik va idoralar hamkorligida 16 noyabr – Xalqaro bagʻrikenglik kuni munosabati bilan joriy yilning 10-15-noyabr kunlari respublikaning barcha hududida «Bagʻrikenglik haftaligi» oʻtkaziladi.
Haftalikni oʻtkazishdan koʻzlangan maqsad – mamlakatimizda millatlararo totuvlik, dinlararo hamjihatlik va bagʻrikenglik muhitini yanada mustahkamlash, fuqarolar oʻrtasida oʻzaro hurmat va birdamlik fazilatlarini targʻib etishdan iborat.
Haftalik doirasida viloyatlar va Toshkent shahridagi nufuzli tomosha maydonlari, soʻlim hiyobonlar va bogʻlarda turli madaniy, ilmiy-amaliy va ma’rifiy tadbirlar, «Oʻzbekiston – bagʻrikeng diyor» shiori ostida konsert dasturlari, foto koʻrgazmalar, qardosh xalqlar yozuvchi-shoir va rassomlarining badiiy asarlari taqdimoti, turli ekskursiyalar, sport oʻyinlari, intellektual va boshqa turdagi musobaqalar oʻtkaziladi.
Barcha yurtdoshlarimizni bagʻrikenglik, hamjihatlik va totuvlik bayramini birgalikda nishonlashga chorlaymiz!
Din ishlari boʻyicha qoʻmita Axborot xizmati
