Шу йил, 25 июль куни Фарғона шаҳридаги Политехника институти ҳамда Қўқон шаҳар Маданият уйида отинойилар учун режадаги семинар ўқувлари ташкил этилди. Семинарда вилоятда фаолият олиб бораётган отинойилар билан бирга бир қатор устоз ва психологлар иштирок этишди.
Маърузачилар ўзларига белгиланган йўналишда маъруза қилдилар. Айниқса, «Исломда мерос масаласи», «Ақийда масалалари: ширкнинг шаръий тушунчаси, ширк оқибатининг оғирлиги» мавзусида қилинган чиқиш катта қизиғиш уйғотди.
Семинар якунида отинойилар ўзларини қизиқтирган саволларга мутахассислар томонидан жавоб олдилар.
