Ўзбекистон мусулмонлари идораси Хотин-қизлар масалалари бўйича бўлим масъул ходимлари Моҳира Зуфарова ва Мунира Абубакировалар Фарғона вилоятига ташриф буюрди. Ташрифдан кўзланган мақсад, маҳалла отинойилари билан учрашувлар ўтказиш, муборак ҳаж сафарига отланаётган аёл-қизларга тавсиялар бериш ва аҳоли ўртасида бидъат-хурофотларнинг олдини олиш бўйича қатор тадбирларни ўтказиш каби масалаларда мутахассисларга йўлланма ва кўмак беришдан иборат.
Ташриф давомида вилоятдаги отинойилар билан учрашув ўтказилиб, унда Дин ишлари бўйича қўмитанинг вилоятдаги бош мутахассиси Д.Ғофурова, Фарғона вилояти бош имом-хатибининг Хотин-қизлар масалалари бўйича ёрдамчиси Ҳ.Комилова, туман-шаҳар бош отинойилари ва маҳалла отинойилар қатнашди.
Мазкур мулоқотда соҳа вакиллари отинойилик масъулияти, уларнинг ютуқ ва камчиликлари билан бирга фаолиятни янада ривожлантириш бўйича тавсия ва таклифларини бериш ҳамда вилоятда авж олаётган динимизда асоси йўқ турли бидъат-хурофотларни олдини олиш борасида маърузалар қилишди.
* * *
O‘zbekiston musulmonlari idorasi Xotin-qizlar masalalari bo‘yicha bo‘lim mas’ul xodimlari Mohira Zufarova va Munira Abubakirovalar Farg‘ona viloyatiga tashrif buyurdi. Tashrifdan ko‘zlangan maqsad, mahalla otinoyilari bilan uchrashuvlar o‘tkazish, muborak haj safariga otlanayotgan ayol-qizlarga tavsiyalar berish va aholi o‘rtasida bid’at-xurofotlarning oldini olish bo‘yicha qator tadbirlarni o‘tkazish kabi masalalarda mutaxassislarga yo‘llanma va ko‘mak berishdan iborat.
Tashrif davomida viloyatdagi otinoyilar bilan uchrashuv o‘tkazilib, unda Din ishlari bo‘yicha qo‘mitaning viloyatdagi bosh mutaxassisi D.G‘ofurova, Farg‘ona viloyati bosh imom-xatibining Xotin-qizlar masalalari bo‘yicha yordamchisi H.Komilova, tuman-shahar bosh otinoyilari va mahalla otinoyilar qatnashdi.
Mazkur muloqotda soha vakillari otinoyilik mas’uliyati, ularning yutuq va kamchiliklari bilan birga faoliyatni yanada rivojlantirish bo‘yicha tavsiya va takliflarini berish hamda viloyatda avj olayotgan dinimizda asosi yo‘q turli bid’at-xurofotlarni oldini olish borasida ma’ruzalar qilishdi.
