Жорий йил 16 июль куни юртимиздаги барча масжидларда навбатдаги фуқаролар қабули куни бўлиб ўтди. Анъанага кўра, ҳар ҳафтанинг чоршанба куни масжидларда жамоат билан очиқ мулоқот ташкил этилади. Ушбу тадбирларда имом-хатиблар фуқароларнинг турли масалалардаги мурожаатларини тинглаб, уларга ҳаётий ечимлар тақдим этмоқдалар.
Қабул давомида юртдошларимиз асосан диний, ижтимоий, оилавий масалалар юзасидан мурожаат қилишди. Шунингдек, моддий ёрдам сўраб мурожаат этган фуқаролар ҳам бўлди. Имом-хатиблар ҳар бир мурожаатни диққат билан тинглаб, уларга қонун доирасида, ислом ахлоқи ва миллий қадриятлар асосида тушунтиришлар бердилар.
Қабул кунлари орқали жамоат билан мулоқотни янада мустаҳкамлаш, жамиятда тинчлик, тотувлик ва бирдамлик муҳитини сақлаш, ижтимоий ҳамкорликни кучайтириш мақсад қилинган.
***
Joriy yil 16 iyul kuni yurtimizdagi barcha masjidlarda navbatdagi fuqarolar qabuli kuni bo‘lib o‘tdi. An’anaga ko‘ra, har haftaning chorshanba kuni masjidlarda jamoat bilan ochiq muloqot tashkil etiladi. Ushbu tadbirlarda imom-xatiblar fuqarolarning turli masalalardagi murojaatlarini tinglab, ularga hayotiy yechimlar taqdim etmoqdalar.
Qabul davomida yurtdoshlarimiz asosan diniy, ijtimoiy, oilaviy masalalar yuzasidan murojaat qilishdi. Shuningdek, moddiy yordam so‘rab murojaat etgan fuqarolar ham bo‘ldi. Imom-xatiblar har bir murojaatni diqqat bilan tinglab, ularga qonun doirasida, islom axloqi va milliy qadriyatlar asosida tushuntirishlar berdilar.
Qabul kunlari orqali jamoat bilan muloqotni yanada mustahkamlash, jamiyatda tinchlik, totuvlik va birdamlik muhitini saqlash, ijtimoiy hamkorlikni kuchaytirish maqsad qilingan.
